මේ වන විට රිමාන්ඩ් බන්ධනාගාරගතව සිටින හිටපු රාජ්ය අමාත්ය ශෂීන්ද්ර රාජපක්ෂ යළිත් ඔක්තෝබර් මස 14 වන දා දක්වා රක්ෂිත බන්ධනාගාර ගත කිරීමට කොළඹ ප්රධාන මහෙස්ත්රාත් අසංක එස් බෝදරගම අද (30) නියෝග කළේය.
අල්ලස් කොමිසමේ නිලධාරීන් හා සැකකරුගේ නීතිඥවරු ඉදිරිපත් කළ කරුණු සලකා බැලීමෙන් අනතුරුව තවත් දින 14ක් රිමාන්ඩ් බන්ධනාගාරගත කළ සැකකරු බන්ධනාගාර රෝහලේ දී සහ වෙනත් රෝහල්වලදී ලබා දුන් ප්රතිකාර පිළිබඳ පූර්ණ වාර්තාවක් මීළඟ දින අධිකරණයට ඉදිරිපත් කරන ලෙසත් මහෙස්ත්රාත්වරයා බන්ධනාගාර අධිකාරවරයාට නියම කළේය.
අල්ලස් කොමිසම විසින් දූෂණ චෝදනාවක් මත සැක පිට අත් අඩංගුවට ගත් හිටපු රාජ්ය අමාත්යවරයාට
ශ්රී ලංකා මහවැලි අධිකාරියට අයත් සෙවණගල, කිරිඉබ්බන්වැව ප්රදේශයේ පිහිටි ඉඩමක අනවසරයෙන් ඉදිකර ඇති ගොඩනැගිල්ලක් ඇතුළු දේපළ සඳහා 2022 අරගල සමයේ දී වූ හානියක් මත පදනම් අනීතිකව රුපියල් අසු අට ලක්ෂ පනස් දහසක වන්දියක් ලබා ගැනීමත් රාජ්ය දේපලක් සාවද්ය පරිහරණය කිරීමත් මත පදනම්ව ශෂීන්ද්ර රාජපක්ෂට මෙම චෝදනා එල්ල වි තිබිනි.
