ඉන්දියාව සහ ශ්රී ලංකාව අතර පැවැත්වෙන මංගල තරගයෙන් කාන්තා ලෝක කුසලාන එක්දින ක්රිකට් තරගාවලිය අදින් (30) ආරම්භ වේ.
මෙවර තරගාවලිය ශ්රී ලංකාවේ සහ ඉන්දියාවේ පැවැත්වීමට නියමිතය. තරගාවලියේ සමාරම්භක උත්සවය ඉන්දියාවේ ග්වාති ක්රීඩාංගණයේ පැවැත්වීමට නියමිත ඉන්දියා ශ්රී ලංකා තරගය අද පස්වරු 3ට ආරම්භ වීමට නියමිතව තිබේ.
පළමු වටයේ දී ශ්රී ලංකා කණ්ඩායම තරග 7කට සහභාගී වන අතර ඉන් තරග 2ක් ඉන්දියාවේදීත් තරග 5ක් ශ්රී ලංකාවේදීත් පැවැත්වීමට නියමිතය.
අද ඉන්දියානු කණ්ඩායමට ස්මිටි මන්ධානා, ප්රටිකා රවෙල්, හර්ලින් ඩිඕල්, හර්මන්ප්රීට් කවුර්, ජෙම්මා රොඩ්රිගුවේස්, රිචා ගෝෂ්, දීප්ති ෂර්මා, අමන්ජොට් කපූර් හෝ රාධා යාදේව්, ස්නේහ් රානා ක්රාන්ටි ගවුඩ්, රේනුකා සිං තරග වදිනු ඇත.
මෙම පෙරහුරු තරග දෙක මත ශ්රී ලංකා පිලට චමරි අතපත්තු සමගින් හසිනි පෙරේරා ආරම්භක පිතිකරුවෙක් වනු ඇතැයි අපේක්ෂා කෙරේ. සාමාන්යයෙන් ආරම්භක පිතිකරුවෙකු වන විශ්මි ගුණරත්න අංක 4 ස්ථානයේ පන්දුවට පහර දීමට ඉඩ ඇත. ප්රබෝධනී නැවත පැමිණීමත් සමඟ අචිනි කුලසූරිය සහ මදාරාගෙන් එක් අයෙකු පමණක් ක්රීඩා කරනු ඇත.
ඒ අනුව ශ්රී ලංකා කණ්ඩායම හසිනි පෙරේරා, චමරි අතපත්තු (නායිකා), හර්ෂිතා සමරවික්රම, විශ්මි ගුණරත්න, කවිෂා දිල්හාරි, අනුෂ්කා සංජීවනී (කඩුලු), නිලක්ෂිකා සිල්වා, සුගන්දිකා කුමාරි, ඉනෝකා රණවීර, මල්කි මදාරා/අචිනි කුලසූරිය, උදේශිකා ප්රබෝධනී තරග කරනු ඇත.
තණතීරුව
ඊයේ තරමක් සිසිල් කාලගුණයකින් පසු ගුවහාටි හි සවස් කාලය සැලකිය යුතු ලෙස අඳුරු විය. තරගය ආරම්භ වන විට, උෂ්ණත්වය 30°C අඩු මට්ටමක පවතිනු ඇතැයි අපේක්ෂා කෙරේ. නමුත් දහවල් හිරු එළිය යටතේ එය උණුසුම් විය හැකිය. අවම තණකොළ සහිත මැද තණතීරුව තරගය සඳහා භාවිතා කරනු ඇත.
2022 ලෝක කුසලානයෙන් පසු ශ්රී ලංකාව වෙනුවෙන් එක්දින තරගවලදී වැඩිම කඩුලු සංඛ්යාව ලබාගන්නේ කවීෂා දිල්හාරිය. එම කඩුළු ප්රමාණය කඩුළු 26 කි. එම කාලය තුළ ඉන්දියානු ක්රීඩිකාවන් තිදෙනෙකු එම සීමාව ඉක්මවා ගොස් ඇත. ඉන්දියාව වෙනුවෙන් වැඩිම කඩුළු ලාභිනිය දීප්ති ෂර්මාය. ඇය මේ කාලය තළ කඩුළු 59ක් ලබා ගෙනය, රේණුකා සිං කඩුළු 35කි. ස්නේ රානා කඩුළු 27කි.
ගතවන්නේ චමරි අතපත්තුට යහපත් කාලයක් නොවේ. වර්ෂ 2016න් පසු ඇය ප්රථම වරට ඇය මේ වසරේ ශ්රී ලංකාව වෙනුවෙන් වැඩිම ජාත්යාන්තර එක් දින තරගවල ලකුණු ලාභී ක්රීඩිකාව නොවේ. හර්ෂිතා සමරවික්රම ලකුණු 336 ක් ලබා ගනිමින් පෙරමුණ ගෙන සිටින්නීය. චමරී අතපත්තු ලැයිස්තුවේ පස්වන ස්ථානයේය.
පසුගිය එක්දින ලෝක කුසලානයෙන් පසු ඕනෑම පිතිකාරියක ලබා ගත් වැඩිම ලකුණු සංඛ්යාව ස්ම්රිටි මන්දානා වර්තා කර ඇත. ඇය ලබා ගෙන ඇති ලකුණු ප්රමාණය 2100කි.
කණ්ඩායමක් ලෙස ඉන්දියාව ශක්තිමත්ය. සමබරය. පිටියේ වාසිය ඔවුන්ටය. එහෙත් අප ඉන්දියාව හමුවන්නේ ආසියානු ශූරයින් ලෙසය. ශ්රී ලංකාවට එරෙහිව ඉන්දියාව ලැබූ එක්දින පරාජයන් තුනෙන් එකක් ලැබුවේ මෙම වසර මුලදී ය. ආත්ම විශ්වාසය සහිත පළපුරුදු නායිකාවක මෙහෙයවන ශ්රී ලංකා ක්රීඩිකාවන් තරගයක මූලික දේ නිසි ආකාරයෙන් කළමනාකරණය කරනවා නම් ශ්රී ලංකා කණඩායමට අමරණීය සටහනක් තැබිය හැකි අවස්ථාවක් උද්ගත වී ඇත.
