දිනසේන රතුගමගේ –
යාපනයේ විශ්ව විද්‍යාල භූමියේ යුද ස්මාරකය යළි ඉදි කිරීම සඳහා උතුරේ දෙමළ දේශපාලන පක්ෂවල සාමාජිකයින්ගෙන් හා ව්‍යාපාරිකයින්ගෙන් විශාල මුදලක් ලැබීමත් සමගම විශ්වවිද්‍යාල භූමිය තුළ එය යළි ඉදි කිරීමේ කටයුතු ඊයේ (25 ) ආරම්භ විය.
මෙම ස්මාරකය ඉවත් කළ දිනට පසු දින මහ වැසි මැද යාපනය විශ්ව විද්‍යාලයේ උපකුලපතිවරයාගේ ප්‍රධානත්වයෙන් ඊට මුල්ගල තැබුණු අතර ස්මාරකය යළි ඉදි කිරීම සදහා මුදල් ආධාර ලබා දෙන ලෙස යාපනය විශ්ව විද්‍යාලයේ මහා ශිෂ්‍ය සංගමය කළ ඉල්ලීමකට අනුව ඒ සඳහා මුදල් විශාල ප්‍රමාණයක් ලැබී තිබේ.
උතුරේ දෙමළ දේශපාලනඥයින් මුදල් ලබා දී ඇත්තේ පක්ෂයක් වශයෙන් නොව ඔවුන්ගේ පෞද්ගලික ආධාර වශයෙනි.
මෙම යුද ස්මාරකය යළි ඉදි කිරීම පිණිස යාපනය විශ්ව විද්‍යාලයේ කථිකාචාර්යවරු හා වෙනත් පිරිස් විසින්ද මුදල් ආධාර සපයා දී තිබේ.
යුද ස්මාරකය යළි ඉදි කිරීමේදී එය මුලින් තිබූ තත්ත්වයටම ඉදි කිරීමට යාපනය විශ්ව විද්‍යලයේ මහා ශිෂ්‍ය සංගමය තීරණය කොට ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
