විදුලි බල පනත සංශෝධනයට විපක්ෂය ඉදිරිපත් කළ මෙගාවොට් 10ට අඩු මිලදී ගැනීම් සඳහා පමණක් ටෙන්ඩර් පටිපාටියක් අනුගමනය නොකිරීමටත්, මෙගාවොට් 10ට වැඩි මිලදී ගැනීම් වෙනුවෙන් ටෙන්ඩර් පටිපාටියක් අනුගමනය කිරීමටත් ගෙනා යෝජනාවත් කාරක සභා අවස්තාවේ දී අද ප්‍රතික්ෂේප වුනේය. යෝජනාවට විරුද්ධව ඡන්ද 115ක් ලැබුණු අතර පක්ෂව ලැබුනේ ඡන්ද 51ක් පමණි. ඒ අනුව විපක්ෂය ඉදිරි කළ යෝජනාව කාරක සභා අවස්ථාවේදී ප්‍රතික්ෂේප වුනේය.
විදුලිබල පනත සංශෝධන රහිතව සම්මත වුනේය.
ඒ අනුව තරගකාරී මිල ගණන් යටතේ විදුලිය මිල දී ගැනීමක් ඉදිරියේ දී සිදු නොවනු ඇත.
ඊයේ මධ්‍යම රාත්‍රියේ සිට රටේ දැවැන්ත විදුලි වර්ජනයක් ඇති වූයේ “විදුලිය මිලදී ගැනීමේ දි ටෙන්ඩර් පටිපාටිය අනුගමනය කිරීම අවධාරණය කරන වගන්ති ඉවත් කර එය සම්මත කරගැනිමට එරෙහිවය.
ඊයේ වර්ජනය ආරම්භ වුණු පසු ජනාධිපතිවරයා වෘත්තීය සමිති වෙත දන්වා සිටියේ වර්ජනය අත්හරින ලෙසත් කාරක සභා අවස්ථාවේ දී අදාල පනත සඳහා සංශෝධන ගෙන එන බවත්ය එහෙත් එය සිදුවූයේ නැත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මේ වනවිට දින 14ක් යන තුරු විදුලි වර්ජනයක් නොවීම සඳහා අධිකරණ නියෝගයක් ගෙන තිබේ. ජනාධිපතිවරයා විසින් ඊයේ නික්තු කළ විශේෂ ගැසට් නිවේදනයකින් විදුලිය අත්‍යාවශ්‍ය සේවාවක් කර ඇත.