පසුගිය 12 වැනිදා ජනාධිපතිවරයා සමග පැවති සාකච්ඡාවේ දී උපදෙස් දුන් පරිදි මෙම වර්ෂයේ දී කිිසදු වැටුප් සහ දීමනා වැඩිවීමක් සම්බන්ධයෙන් තීරණයක් ගත නොහැකි බවත් එබැවින් කිසිම වැටුප් වැඩිවීමක් මේ අවස්ථාවේ සිදු නොවන බවත් දන්වා අධ්යාපන අමාත්යාංශයේ ලේකම් තිලකා ජයසුන්දර විසින් විශ්වවිද්යාල ප්රතිපාදන කොමිසමේ සභාපතිවරයා වෙත යැවූ ලිපිය මේ වනවිට අප වෙත ලැබී තිබේ.
රාජ්ය සේවයේ සියලු අංශයන්හි වැටුප්, වේතන හා අනෙක් පාරිශ්රමිකයන් සමාලෝචනය කර නිර්දේශ ලබා දීමට ජනාධිපතිවරයා විසින් විශේෂඥ කමිටුවක් පත් කර ඇති බවත්, අනධ්යන සේවකයින් පෙර කර ඇති සියලුම ඉල්ලීම් එම විශේෂඥ කමිටුව වෙත යොමු කරන ලෙසත් එම ලිපියෙන් අධ්යාපන ලේකම්වරිය විශ්වවිද්යාල ප්රතිපාදන කොමිසම වෙත ලිඛිතව දන්වා ඇත.
අවශ්ය ඉදිරි තීරණ එම කමිටුවෙන් ලබා දෙන බව ද දන්වන අධ්යාපන ලේකම්වරිය විශ්වවිද්යාල ප්රතිපාදන කොමිෂන් සභාවට දන්වන්නේ මෙම තීරණය සම්බන්ධව විශ්වවිද්යාල උපකුලපතිවරන් දැනුම්වත් කර අනධ්යයන කාර්ය මණ්ඩලවලට දැනුම් දෙන ලෙසය.
විශ්වවිද්යාල දරුවන්ගේ අනාගත අභිවෘද්ධි සලසා දෙමින් ඔවුන්ගේ අධ්යාපන කටයුතු සාමාන්ය පාරිදි බාධාවකින් තොරව කරගෙන යෑම සියලු දෙනාගේ වගකීම බව අධ්යාපන ලේකම්වරිය අවධාරණයෙන් දන්වා ඇති අතර ඒ සම්බන්ධව අනධ්යන කාර්ය මණ්ඩලද දැනුම්වත් කරන ලෙස දන්වා ඇත.
අධ්යාපන ලේකම්වරිය විශ්වවිද්යාල ප්රතිපාදන කොමිසමේ සභාපතිවරයා වෙත යැවූ ලිපිය පහත දැක්වේ.