ජයකාන්ත ලියනගේ – බළපිටිය
කරන්දෙණිය ප්රාදේශීය සභාවේ සභාපති මහීල් රංගජීව මුණසිංහ (47) අද (21) උදෑසන මිය ගොස් තිබේ.
කරන්දෙණිය, බොරකන්ද පදිංචි මහීල් රංගජීව මුණසිංහ ව්යායාම සදහා අද (21) උදෑසන ඇවිදිමට ගොස් සිටියදි පෙ.ව 6.00 ට පමණ ඇද වැටීමක් හේතුවෙන් බොරකන්ද ප්රාදේශීය රෝහලට ඇතුළත් කිරීමෙන් අනතුරුව ඒ මියගොස් ඇත.
මියගිය සභාපතිවරයාගේ මෘත දේහය කරන්දෙණිය, බොරකන්ද ප්රාදේශීය රෝහලේ තැන්පත් කර තිබූ අතර අද (21) පෙ.ව 9.20 ට පශ්චාත් මරණ පරීක්ෂණය සඳහා ඇල්පිටිය මූලික රෝහල වෙත රැගෙන ගිය බව බොරකන්ද රෝහලේ ප්රකාශකයෙක් සදහන් කළේය.
පසුගිය ප්රාදේශීය සභා මැතිවරණය සදහා කරන්දෙණිය ප්රාදේශීය සභාවට ජාතික ජන බලවේගය පක්ෂය යටතේ බොරකන්ද කොට්ඨාසයට තරග කරමින් ජයග්රහණය ලබා මහීල් රංගජීව මුණසිංහ (47) කරන්දෙණිය ප්රාදේශීය සභාවේ සභාපතිවරයා බවට පත් විය.
කරන්දෙණිය, කොටවෙල ප්රාථමික විද්යාලයේ විදුහල්පතිනි මනෝජා ගලප්පත්තිගේ ස්වාමිපුරුෂයා වන මියගිය සභාපතිවරයා එක් දරු පියෙකි.
කරන්දෙණිය පොලීසිය වැඩිදුර පරීක්ෂණ පවත්වයි.
