මනම්පිටිය නිමල් ජයරත්න –
-
හොඳට එළිය වැටුණු උදේ අලි මංකඩක් ගැන සංඥා ලකුණු කර තිබිය දී අලියෙක් හප්පන දුම්රිය රියදුරු පොට්ටයෙක් දැයි ප්රශ්නයක්…
මඩකලපුව සිට කොළඹ බලා ධාවනය වෙමින් තිබු දුම්රියට අද (03) උදෑසන 8.30 ට පමණ මනම්පිටිය මහවැලි පාලමට ආසන්නයේදි වන අලියෙකු ගැටීමෙන් එම අලියා මරණයට පත් වූ බව මනම්පිටිය වනජීවී කාර්යාලය සඳහන් කරයි.
සෝමාවතී වනෝද්යානයේ සිට ජල ගැලීම් නිම්න ජාතික වනෝද්යානයට මාරුවෙමින් සිටි වන අලියෙකු මෙලෙස දුම්රියට ගැටී ඇති අතර වන අලියා අවුරුදු විසිපහක් පමණ වයස පිරිමි සතෙකු බව මනම්පිටිය වනජීවී කාර්යාලයේ අඩවි සහකාර ආර්.ආර් ශාන්ත මහතා සඳහන් කළේය. පැය ගණනක් පණ අදිමින් සිට මෙම වන අලියා මිය ගොස් තිබේ.
අසාධ්ය තත්ත්වයේ පවතින වනා අලියාට ප්රතිකාර කිරීම සඳහා ගිරිතලේ වනජීවී පශු වෛද්ය සමීර කලිඟුආරච්චි ඇතුළු වනජීවී නිලධාරී කණ්ඩායමක් එම ස්ථානයට පැමිණ ප්රතිකාර කළ ද ජීවිතය බේරා ගැනීමට නොහැකි වූ බව මනම්පිටිය වනජීවි නිලධාරීන් සඳහන් කරයි.
වන අලි මාරු වන ස්ථානයේම මෙම අලියා දුම්රියේ ගැටී ඇති අතර, මේ පිළිබඳ වැඩිදුර පරීක්ෂණ මනම්පිටිය වනජීවී කාර්යාලයේ වනජීවී නිලධාරීන් පිරිසක් විසින් සිදුකරයි.
වන අලියා දුම්රියට ගැටීමෙන් මීටර් 20ක් පමණ ඉදිරියට ඇදී ගොස් ඇති අතර මෙම අනතුරෙන් දුම්රිය සිල්පර කොට කීපයකට හානි සිදුව ඇත.
