රුසියාව විසින් පිළිකාවට එරෙහිව නිශ්පාදනය කර ඇති එන්නත ලබන වසරේ මුල් කාර්තුවේ සිට භාවිතා කිරීම ආරම්භ කිරීමට සැලසුම් කර තිබේ.
ලෝකය වෙනස් කරන මෙම විශිෂ්ට සොයා ගැනීමේ විශේෂත්වය වන්නේ එම mRNA එන්නත ඒ ඒ රෝගියා වෙනුවෙන්ම ඔහුටම අනන්ය ආකාරයට නිශ්පාදනය කිරීමය. කෘත්රිම ස්නායුක ජාල භාවිතය මගින් එක් එක් පුද්ගලයාගේ රෝග තත්ත්වය තක්සේරු කර එම රෝගියා වෙනුවෙන්ම නිර්මාණය කරන පිළිකා එන්නතක් සකස් කිරීමට මේ වනවිට අවශ්ය පරිගණන කාලසීමාව පැයකට අඩු කාලයක් දක්වා අඩු කර තිබේ. වසංගත රෝග විද්යා සහ ක්ෂුද්රජීව විද්යාව පිළිබඳ ගමලෙයා ජාතික පර්යේෂණ මධ්යස්ථානයේ අධ්යක්ෂ ඇලෙක්සැන්ඩර් ජින්ට්ස්බර්ග් ඒ ගැන පැහැදිලි කරමින් ප්රකාශ කර ඇත්තේ පුද්ගලයෙකුටම අනන්යවන එන්නත තැනීමට කෘත්රිම බුද්ධිය යොදා ගැනීමත් සමග එම කාලය පැයකට වඩා අඩු වූ බවය.
අනෙක් මහා මානුෂික ගුණය වන්නේ එම එන්නත් පිළිකා රෝගීන්ට නොමිලේ ලබා දීමට රුසියාව තින්දු කර තිබීමය. රුසියානු සෞඛ්ය අමාත්යාංශයේ විකිරණවේද වෛද්ය පර්යේෂණ මධ්යස්ථානයේ සාමාන්යාධිකාරී ආන්ද්රෙයි කප්රින් මේ බව ලෝකයට තහවුරු කළ ආකාරය රුසියානු TASS ප්රවෘත්ති ඒජන්සිය වාර්තා කළේය.
මෙම එන්නත මුලික වශයෙන් මහා බඩවැලේ පිළිකා, මාරාන්තික මෙලනෝමා සහ ග්ලියෝබ්ලාස්ටෝමා සඳහා භාවිතා කරන බවත්,
එන්නත සම්බන්ධව පූර්ව සායනික පරීක්ෂණ දැනටමත් අවසන් කර ඇති බවත් රුසියානු සෞඛ්ය අමාත්යාංශයේ විකිරණවේද වෛද්ය පර්යේෂණ මධ්යස්ථානයේ සාමාන්යාධිකාරීවරයා කීවේය.
මාරාන්තික ආන්ත්රික ඇඩිනොකාර්සිනෝමා සහිත සතුන් පිළිබඳ අත්හදා බැලීම් වලදී, පිළිකා වල ප්රමාණය 75-80% කින් අඩු කර ඔවුන්ගේ ජීවිත බේරාගෙන තිබේ.
