ලලිත් චාමින්ද –
රාජ්ය සේවයේ සමස්ත සේවක මණ්ඩලය 2030 වසර වනවිට ලක්ෂ දහයක් හෝ ඊට අඩු මට්ටමක් දක්වා සිමාකර ගැනිමට ක්රියාමාර්ග ගැනීම සම්බන්දයෙන් වු යෝජනාවක් අමාත්ය මණ්ඩලය වෙත ඉදිරිපත් වි ඇති බැව් අමාත්ය මණ්ඩල තිරණ සම්බන්ධයෙන් නිකුත්කොට ඇති මාධ්ය නිවේදනයේ සදහන් වේ.
ඒ අනුව 2025 වසරේ සිට වසර තුනක් ඇතුළත සමස්ත රාජ්ය සේවයේ හැකි සෑම ක්ෂේත්රයක් තුළම ඩිජිටල්කරණය, හා ස්වයංක්රියකරණය තුළින් ඉලෙක්ට්රෝනික පද්ධති මගින් රාජ්ය පාලනය සදහා ක්රමවේදයක් (E-Governance) හඳුන්වාදිමට තිරණය කොට ඇත. ඒ සදහා රාජ්ය ආයෝජනයේ ප්රමුඛතාව ලබාදිමට ද යෝජනා වි ඇත.
එමෙන්ම හැකි සෑම අවස්ථාවකදිම බාහිර සේවා (Outsourcing) වැනි ක්රමවේද මගින් රජයේ වැය බර අවම වන ලෙස කාර්යක්ෂමතාව උපරිම වන පරිදි නියමිත ක්රමවේද අනුගමනය කරමින් සේවය ලබා ගැනිමට ද යෝජනා කොට ඇත.
හඳුනාගත් රාජ්ය දේපාර්තමේන්තු, සංස්ථා ව්යවස්ථාපිත ආයතන, කොටස්වෙළදපොළේ ලැයිස්තුගත සිමිත පොදු සමාගම් බවට පත්කිරිමේ ප්රතිව්යුහත වැඩසටහන ක්රියාත්මක කිරීම සහ සමස්ත රාජ්ය අංශයේ කාර්යමණ්ඩලවල සේවා පිළිබද විද්යාත්මක අධ්යයනයක් සිදුකිරිම 2025 වසර තුළ කටයුතු කිරිමට යෝජනා කොට ඇත.
රාජ්ය අංශයේ වැටුප් සංශෝධනය කිරිම සදහා හිටපු ජනාධිපති ලේකම් උදය සෙනෙවිරත්න මහතාගේ ප්රධානත්වයෙන් කරණු ලැබු විශේෂඥ කමිටුව විසින් ඉදිරිපත් කරණු ලැබු අතුරු වාර්තාවේ මෙම තොරතුරු ඇතුළත්ව ඇත.
මෙම වාර්තාවේ සදහන් නිර්දේශ හා යෝජනා සදහා ප්රතිපත්තිමය අනුමැතිය ලබාදීමටත් අදාළ යෝජනා 2025 වර්ෂයේ අයවැයට ඇතුළත්කොට ක්රියාත්මක කිරීමටත් ඉදිරිපත් වු යෝජනාවට අමාත්ය මණ්ඩලයේ අනුමැතිය ලැබි ඇත.
