ශ්රියානි විජේසිංහ –
රත්නපුර රෝහලේ වෛද්යවරුන් විසින් ආරම්බ කර තිබෙන වැඩ වර්ජනය තුනවන දිනටත් අද (4) පැවැත්වෙන් අතර රෝගින් මහත් අසීරුවකට පත්ව ඇති බව රෝහල් ආරංචි මාර්ග සඳහන් කරයි.
බාහිර රෝගී අංශයට වෙත දිනකට රෝගීහු 800ක් පමණ එති. එසේ පැමිණෙන රෝගීන්ට ප්රතිකාර ලබා ගැනීමට නොහැකිව ඉතාමත් අසරණව හැරී යනු දක්නට ලැබේ. සායනන්ට පැමිණෙන රෝගීන්ටද හිස් අතින් නැවත නිවෙස් බලා යාමට සිදුව ඇති බවත් වාර්තාවේ.
දියවැඩියා, අදිරුධිර පීඩන, හෘද, ඇදුම රෝගීන් සායනයන් වෙත පැමිණ ප්රතිකාර නොලබා නැවත හැරී යාමට බරපතල තත්වයක් බවත් ඔවුන්ගේ ජීවිත රැදී ඇත්තේ ඖෂධ මත වීම මෙයට හේතුව බවත් ලංකාසර කළ විමසුමක දී රෝහල් ප්රකාශකයෙකු පැවසුවේය.
රෝහල් තොරතුරුවලට අනුව මාස ගණනාවක් පොරොත්තු ලේඛණයේ සිට සැත්කම් කිරීමට බලා සිටින රෝගිහු මහත් අපසුවක් පත්ව සිටිති. වර්ජනය හේතුවෙන් සැලසුම්කළ සැත්කම් සියල්ල නතර වී තිබේ.
සෞඛ්ය අමාත්යංශය රෝහල් අධ්යක්ෂවරයාගේ දරදඬු ක්රියාකලාපයන් සම්බන්ධයෙන් පාරදෘශ්යභාවයෙන් යුතු විමර්ශනයක් පවත්වනවා වෙනුවට අධ්යක්ෂවරයාව එම තනතුරේම රඳවාගෙන විමර්ශන කටයුතු මෙහෙයවීමට විරෝධය පළකරමින් රෝහලේ සියලුම වෛද්යවරුන් පසුගිය 2වනදා මෙම වැඩ වර්ජනය ආරම්භ කර ඇත.
කෙසේ නමුත් රෝහල් අධ්යක්ෂවරයාව සිය තනතුරෙන් ඉවත් කර නිසි විමර්ශනයක් පවත්වන තෙක් ආරම්භ කළ වැඩ වර්ජනය ඉදිරියටත් පවත්වන බවත් එය සබරගමු පළාත තුළද ව්යාප්ත කරලීමට කටයුතු කරන බවත් සංගමය පෙන්වාදේ.
වර්ජනය හේතුවෙන් රෝගීන්ට වන අපහසුතාවන්ට සෞඛ්ය අමාත්යංශය සම්පූර්ණයෙන්ම වගකිවයුුතු බව රජයේ වෛද්ය නිලධාරීන්ගේ සංගමය අවධාරනය කරයි.
