දිනසේන රතුගමගේ –
යාපනයේ කොඩිගාමම් ප්රදේශයේදී මිනිස් ඝාතනයක් සිදු කිරීම සම්බන්ධයෙන් වරදකරුවන් වූ පුද්ගලයින් දෙදෙනෙකුට යාපනය මහාධිකරණය විසින් ඊයේ (20) මරණීය දණ්ඩනය නියම කළේය.
2010 දෙසැම්බර් 18 වෙනිදා , කොඩිකාමම්හි මන්දයිවේලි ප්රදේශයේදී, 60 හැවිරිදි පුද්ගලයෙකු පොරවකින් සහ උල් පිහියකින් පහර දී ඝාතනය කරන ලද බවට මෙම සැකකරුවන් දෙදෙනාට එරෙහිව චෝදනා ගොණු වී තිබුණි.
ඔවුන් වෙත එල්ල වූ සියලුම චෝදනා සැකයකින් තොරව ඔප්පු කිරීමට පොලීසිය හා පැමිණිලිකාර පාර්ශ්වය සමත් වීම නිසා ඔවුන් දෙදෙනාට මරණීය දණ්ඩනය පනවන බව යාපනය මහාධිකරණ විනිසුරු ටී.එස්. සුසායිදාස් සිය තීන්දුව ප්රකාශයට පත් කරමින් සදහන් කළේය.
මෙලෙස මරණීය දණ්ඩනය නියම වූයේද යාපනයේ කොඩිගාමම් ප්රදේශයේ පදිංචිකරුවන් දෙදෙනෙකුටය.
