මීගමුවේ ප්‍රකට දේශාපාලයෙකුට කාන්තාවක් විසින් උත්සව සභාවක් ඉදිරිපිට සෙරෙප්පුවෙන් පහරදුන් පුවතක් ලංකාසරට වාර්තා වේ.
මෙම පහර දීම සිදුවී ඇත්තේ ඒකල ප්‍රදේශයේ පන්සලක එම දේශපාලකයාගේ මූලිකත්වයෙන් සංවිධානය කර තිබූ කුඩා දරුවන්ට පොත් බෙදා දිමේ උත්සවයක දීය.
වාර්තාවන පරිදි සිද්ධිය මෙසේය. සිද්ධිය වී ඇත්තේ මීට දින 04කට පෙරය. 18 දා උදෑසනය. පසුගිය 16 වැනිදා මෙම දේශපාලකයාගේ නිල නොලත් ආරක්ෂකයෙක් සේ සැලකෙන දාමරිකයෙක් විසින් මෙම කාන්තාවගේ පුත්‍රයාට දරුණු ලෙස පහර දී ඇත. පහර දීමට හේතුව සේ සැලකෙන්නේ පහරකෑමට ලක් වූ තරුණයා විසින් මෙම දේශපාලකයාගේ පෝස්ටර් කීපයක් ගැලවීම හා කළුතෙල් දමා විකෘති කිරීම සම්බන්ධ සැකයකි.
මේ ආරංචියට එම කාන්තාවගේ නිවසට ගිය ඉහත දාමරිකයා ඇය බලා සිටියදීම මෙම තරුණයා මහ මග දිගේ ඇදගෙන පැමිණ බිහිසුණු ලෙස පහර දීමකට ලක් කර ඒකල ගුවන් හමුදා කඳවුර අසල කාණුවකට ඇද දමා ගොස් ඇත. ඒ පහර දීම හේතුවෙන් හිස පැලී බරපතල තත්වයේ සිටි තරුණයා ඔහුගේ මව වන කාන්තාව විසින් ජා ඇල රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සදහා එතැනින් මීගමුව මහ රෝහලට යවා ඇත.
අනතුරුව මේ කාන්තාව මේ පහර දීම ගැන පැමිණිලි කිරීමට ජා ඇල පොලිසියට ගොස් ඇති අතර පොලිසිය පැමිණිල්ල ලියා ගැනීම ප්‍රතික්ෂේප කර ඇත.
මේ අසාධාරණය සම්බන්ධව දැඩි කෝපයට පත්ව සිටි ඇය මීගමුවේ ප්‍රභල දේශපාලකයා තම නිවස අසල උත්සවයකට සහභාගී වෙමින් සිටිය දී එතැනට කඩා වැදී “ තෝ පර කුඩ්ඩා… තෝගේ මිනිමරු බොඩිගාඩ් මගේ අහිංසක කොල්ලාට ගැහුව්වා… තෝ මකබෑවෙයන් “ යනුවෙන් පවසා සෙරෙප්පු ප්‍රහාර එල්ල කර තිබේ.
මේ සිද්ධිය සමග උත්සව අවස්ථාව විශාල අර්බුදයකට ගොස් ඇත. කාන්තාවට එරෙහිව ද විශාල විරෝධයක් මතු වී තිබේ. සි
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
යලුම මාධ්‍ය ආයතනවල නියෝජිතයන් සිටිය දී දින 04ක් මෙවැනි සිදුවීමක් වාර්තා නොවී පැවතීමත්, මේ සිද්ධියට අදාල කිසිම සිදුවීමක් පොලිස් පොතක සටහන්ව නොතිබීමත්. සෑම පුද්ගලයෙක් අතම පාහේ ස්මාර්ට් ජංගම දුකතනයක් ඇති නමුත් සිද්ධියේ එක් ඡායාරූපයක් හෝ වීඩියෝ දර්ශනයක් පල නොවීමත් පිලිබඳව සලකා බැලීමේ දී මාධ්‍යයට නීතියට මතු නොව, සමස්ථ සමාජයටම දේශපාලන හයිරංකාරකම්වල බලපෑම කොතරම් තදින් කිඳා බැස ඇතිදැයි පැහැදිලි වන බව සමාජ විශ්ලේෂකයෝ පවසති.