ලලිත් චාමින්ද –
මහ කන්නයේ අස්වනු නෙලිමේ කටයුතු සඳහා ඉන්ධන ලබා ගැනීමේ දී ඇතැම් ඉන්ධන පිරවුම්හල්වලදී ගොවින්ට ගැටලුවලට මුහුණ පෑමට සිදුවන බවට තොරතුරු ලැබී ඇති බවත් එවැනි අවස්ථාවලදී එම ගොවීන්ගේ ඉල්ලීම මත ඉන්ධන ලබාගැනීම සඳහා ලිපි නිකුත් කිරීමට කටයුතු කරණ බවත් ගොවිජන සංවර්ධන දෙපාර්තමේන්තුව පවසයි.
ඉල්ලිම් ඉදිරිපත් කරණු ලබන ගොවින් මහ කන්නයේ වී වගා කළ ගොවීන් බවටත් , වගාකරණු ලැබු බිම් ප්රමාණය තහවුරු කරගැනීමටත් පසු අදාළ ලිපි නිකුත් කිරිමට කටයුතු කරන ලෙස ගොවිජන සංවර්ධන කොමසාරිස්වරයා විසින් අදාළ නිලධාරින්ට උපදෙස් ලබා දී ඇත.
ඒ අනුව ගොවින්ට අදාළ ලිපි නිකුත් කිරිම සඳහා ගොවිජන සංවර්ධන දෙපාර්තමේන්තුවේ දිස්ත්රික් භාර නියෝජ්ය සහකාර කොමසාරිස්වරු වෙත සහ ගොවිජන සේවා මධ්යස්ථානභාර ගොවිජන සංවර්ධන නිලධාරින් වෙත බලය පවරා ඇති බවද ගොවිජන සංවර්ධන දෙපාර්තමේන්තුව පෙන්වාදෙයි.
