මේ වනවිට දැඩි ආන්දෝලනයක් ඇති වී තිබෙන සීහෙළ ගොතම සිරි සම්බුද්ධ මහා නිකාය නැමැති නිකායේ මහා නායක හිමි ලෙස නම් කර සිටින බදුල්ලගම්මන සුමනාසාර හිමියන් ඇතුළු එම නිකායේ හිමිවරුන් සම්බන්ධයෙන් සිදු කර ඇති අපහාසාත්මක ප්රකාශවලට වන්දි ඉල්ලා මල්වතු පාර්ශවයේ මහා නායක තිබ්බටුවාවේ ශ්රී සිද්ධාර්ථ සුමංගලාභිදාන නා හිමිපාණන් ඇතුළු පස් දෙනෙකුට එරෙහිව නීතිමය ක්රියාමාර්ග ගන්නා බව එම නිකාය සඳහන් කරයි.
ස්වාධීන බෞද්ධ සංවිධානයක් ලෙස ගොඩනැගෙන සිය නිකාය පිළිබඳ තීරණ ගැනීමට වෙනත් නිකායික භික්ෂූන් වහන්සේට නීතිමය අවසරයක් නැතැයි එම නිවේදනය මඟින් පවසන සුමනසාර හිමියන් මෙයින් ප්රබල මානව හිමිකම් කඩවීමක් සිදුවන බවත් ඒ සම්බන්ධයෙන් සැප්තැම්බර් මස 08 වැනිදා අරඹන එක්සත් ජාතීන්ගේ 60 වැනි මානව හිමිකම් සැසියේ දී සිය භික්ෂූන්වහන්සේ කණ්ඩායමක් ඉදිරිපත් වී කරුණු දැක්වීමට ද බලාපොරොත්තුවන බවත්නි වේදනයක් නිකුත් කරමින් සඳහන් කර තිබේ.
ආඬියාගල බෝමළුව හෙළගම සීහෙළ ගොතම සිරි සම්බුද්ධ මහා නිකායේ මහානායක බදුල්ලගම්මන සුමනාසාර හිමි විසින් මල්වතු මහා නායක හිමියන් ඇතුළු පස් දෙනෙක් වෙත මේ වනවිට එන්තරවාසිය නිකුත් කිරීමට තමන්ට උපදෙස් දී ඇති බව එම නිකාය වෙනුවෙන් පෙනී සිටින නීතිඥවරයා දන්වා ඇත.
ඒ අනුව බදුල්ලගම්මන සුමනසාර හිමියන් සම්බන්ධව සාවද්ය හා අපහාසාත්මක කරුණු ඇතුළත් ප්රකාශ නිකුත් කර එම හිමියන්ගේ කීර්ති නාමයට දැඩි අගතියක් හා අලාභයක් සිදුකර ඇති බැවින් එම හානි පූර්ණය වෙනුවෙන් රුපියල් මිලියන 200ක වන්දියක් ඉල්ලා එම නිකාය වෙනුවෙන් පෙනී සිටින නීතිඥයින් මල්වතු පාර්ශවයේ මහා නායක පූජ්ය තිබ්බටුවාවේ ශ්රී සිද්ධාර්ථ සුමංගල හිමියන් වෙත එන්තරවාසියක් යවා තිබේ.
එමෙන්ම .බදුල්ලගම්මන සුමනසාර හිමියන්ට අපහාස කරන ලදැයි කියමින් සියම් මහා නිකායේ මල්වතු පාර්ශවයේ මහා ලේඛකාධිකාරී පහමුණේ සුමංග හිමියන්ගෙන් රුපියල් මිලියන 1000ක වන්දියක් ද, එම ප්රවෘත්ති පල කළ බව කියන බෞද්ධයා නාලිකාවෙන් රුපියල් මිලියන 1000ක වන්දියක් ද, කර්ම යූ ටියුබ් නාලිකාව පවත්වාගෙන යන පූජ්ය ගලගම කුසලධම්ම හිමියන්ගෙන් රුපියල් මිලියන 200ක වන්දියක් ද, කර්ම යූ ටියුබ් නාලිකාව හා එක්ව වැඩසටහනක් කල බව කියන සෙවනගල සුසිත හිමියන්ගෙන් රුපියල් මිලියන 100ක වන්දියක් ද ඉල්ලා ද එන්තරවාසි යොමු කර ඇත.
සීහෙළ ගොතම සිරි සම්බුද්ධ මහා නිකායේ මාධ්ය ප්රකාශක ලෙස කටයුතු කරන කේ.අරියමග්ග හිමියන් නමින් තවත් නිවේදනය නිකුත් කරමින් එම නිකාය වැඩිදුරත් දන්වා ඇත්තේ ලංකාවේ නීතිය අනුවත් ලංකාවේ රජය එකඟවී ඇති ජාත්යාන්තර මානව හිමිකම් නීති රීති අනුවත් තවත් ආගමික විශ්වාසයකට හෝ වෙනත් ආගමික අදහසක් දරන කොටසටකට හෝ පුද්ගලයෙකුට හිංසා කිරීමට, පීඩා කිරීමට, අපහාසයට භාජනය කිරීමට හැකියාවක් නැති බවය.
යම් පිරිසක් එසේ කරනවා මොන බලපෑම් පැමිණියත් නීතිමය පියවර ගන්නා බව ද, දේශිය අධිකරණ ක්රියාමාර්ගයකට අමතරව මේ වනවිට තම ක්රියාමාර්ගය සම්බන්ධව එක්සත් ජාතීන්ගේ සංවිධානයේ මහ ලේකම්වරයාට සහ එක්සත් ජාතීන්ගේ මානව හිමිකම් මහ කොමසාරිවරයාට ද මේ වනවිට පැමිණිලි කර ඇති බවත් අරියමග්ග හිමියන් නිකුත් කළ නිවේදනයේ සඳහන් වේ.
අභිනවයෙන් බිහි කර ඇති දේශීය සුළුතර බෞද්ධ භික්ෂු නිකායට වෙනස් කොට සලකමින් ඔවුන් හිංසාවට සහ පීඩාවට පත් කරන්නේ නම් එය 1993 වියානා සම්මුතිය උල්ලංඝනය කිරීමක් බවත්, එබැවින් ඒ පිළිබඳව සොයා බලා නිසි පියවර ගැනීම සඳහා එක්සත් ජාතීන්ගේ මහ ලේකම්වරයා විසින් එක්සත් ජාතීන්ගේ මානව හිමිකම් කොමසාරිස්වරයා වෙත දැනුම් දී තව සතියකින් පමණ ආරම්භවනන්ට නියමිත එක්සත් ජාතීන්ගේ 60 වැනි මානව හිමිකම් සැසි වාරයේ සැලකිල්ලට ගැනීම සඳහා යොමු කර ඇති බවත් අරියමග්ග හිමියන් ශ්රී සිය නිවේදනයෙන් දන්වා ඇත.
එමෙන්ම සිය නිකායේ භික්ෂුන් වහන්සේ පිරිසක් සැප්තැම්බර් 08 වැනිදා පැවැත්වෙන එක්සත් ජාතීන්ගේ මානව හිමිකම් සමුළුවට සහභාගී වී ජාතයාන්තර මානව හිමිකම් ක්රියාකාරීන්ට, එක්සත් ජාතීන්ගේ රපෝර්තුකරුවන්ට, ජාත්යාන්තර මානව හිමිකම් ක්රියාකාරීන්ට මෙන්ම ජාත්යාන්තර මූල්ය අරමුදලේ සහ ලෝක බැංකුවේ නිලධාරීනට මෙම ප්රබල මානව හිමිකම් කඩවීම පිළිබඳ දන්වා සිටින බවත් එම නිවේදනයෙන් අවධාරණය කර තිබේ.
එම නිවේදනය පහත දැක්වේ
