මනම්පිටිය නිමල් ජයරත්න –
දිවයින පුරා වැලි ප්රවාහනය කිරීමේදී ධාරිතාවය ඉක්මවා ලොරි රථවලින් වැලි ප්රවාහනය කිරීම සම්පූර්ණයෙන්ම තහනම් කිරීමට භූ විද්යා සමීක්ෂණ හා පතල් කැණීම් කාර්යාංශය තීරණය කර තිබේ.
මේ පිළිබඳ භූ විද්යා සමීක්ෂණ හා පතල් කැණීම් කාර්යාංශයේ සභාපති සමන් ජයසිංහ, පොලිස්පතිවරයා ලිඛිතව දැනුවත් කර තිබෙන තිබේ. ඒ අනුව පොලිස්පතිවරයා දිවයිනේ සෑම පොලිස් ස්ථානයකටම නියෝගයක් නිකුත් කරමින් දන්වා ඇත්තේ ධාරිතාවය ඉක්මවා වැලි ප්රවාහනය කරන ලොරි රථවලට එරෙහිව නීතිය ක්රියාත්මක කරන ලෙසය.
ඒ අනුව මනම්පිටිය මහවැලි ගඟේ වම් හා දකුණු ඉවුර ප්රදේශවල සිට ලොරි මගින් වැලි ප්රවාහනය කිරීමේදී ධාරිතාවය ඉක්මවා ප්රවාහනය කිරීම පසුගිය 29 වෙනිදා සිට තහනම් කර තිබෙන බවද භූ විද්යා සමීක්ෂණ හා පතල් කැනීම් කාර්යාංශයේ නිලධාරියකු අප කළ විමසීමකදී සඳහන් කළේය.
භූ විද්යා සමීක්ෂණ හා පතල් කැණීම් කාර්යාංශය මගින් නිකුත් කර ඇති වැලි ප්රවාහන බලපත්ර සඳහා මෙම නීතිය ක්රියාත්මක කෙරේ.
මනම්පිටියේ මහවැලි ගඟේ සිට වැලි ප්රවාහනය කරන ලොරි රථ රියදුරන් සඳහන් කරන්නේ මෙම නීතිය කන්තලේ, මහියංගණය මඩකලපුව, ඇතුළු වැලි ප්රවාහනය කරන ප්රදේශවල වැලි ටිපර් රියදුරන් ධාරිතාවය ඉක්මවා වැලි ප්රවාහනය කරන බවත්, මනම්පිටියට පමණක් මෙම නීතිය ක්රියාත්මක කිරීම බලවත් අසාධාරණයක් බවත්ය.
මේ පිළිබඳ අදාල අංශවල අවධානය යොමු යොමු කර කර දිවයිනේ සෙසු ප්රදේශවලටත් මෙම නීතිය ක්රියාත්මක කරන ලෙස ඔවුහු දන්වා සිටිති.
