හැටන් රංජිත් රාජපක්ෂ –
තලවකැලේ පොලිස් වසමට අයත් මඩකුඹුර වත්තේ ගසක නැග අතු කැපිමට ගිය පුද්ගලයෙකුට ගස මත සිටියදි එල්ල වු බඹර ප්රහාරයකින් ගස මතින් පහලට ඇද වැටි ජිවිතක්ෂයට පත් වි ඇති බව තලවකැලේ පොලිසිය පැවසිය.
මෙසේ ගස මතින් ඇද වැටි ජිවිතක්ෂයට පත් වි ඇත්තේ එම වතුයායේම පදිංචි එන්.කනකේෂ්වරන් (31) නැමැති එක්දරු පියෙකි.
ජිවිතක්ෂයට පත් පුද්ගලයා තවත් පුද්ගලයෙකු සමග අඩි 100 ක් පමණ උසැති ගාන්ඩිස් වර්ගයේ ගසකට නැග දර සඳහා ගසෙහි අතු කපමින් සිටියදි ගසේ බැඳ තිබු බඹර කුඩුවක් ඇවිස්සි අතු කපමින් සිටි පුද්ගලයාට සහ ගස පාමුල සිටි පුද්ගලයාට පහර දි තුවාල සිදු කර ඇත.
බඹරුන් පහරදෙන අවස්ථාවේ ගස මත සිටි පුද්ගලයා බියට පත් වි ගසෙන් පහලට ඇද වැටෙන්නට ඇති බව සිද්ධිය සම්බන්ධයෙන් පරික්ෂණ පවත්වන තලවකැලේ පොලිසිය සැකකරයි.
බඹර ප්රහාරයෙන් තුවාල ලැබු අනෙක් පුද්ගලයා ලිදුල ප්රාදේශිය රෝහල වෙත ඇතුළත් කර ඇති අතර, ගසෙන් වැටි ජිවිතක්ෂයට පත් පුද්ගලයාගේ සිරුර පශ්චාත් මරණ පරික්ෂණය සඳහා නුවරඑලිය දිස්ත්රික් මහ රෝහලේ අධිකරණ වෛද්යවරයා වෙත යොමු කරන බව තලවකැලේ පොලිසියේ නිලධාරින් පැවසිය.
