මේ වනවිට පොලිස්පති හෝ පොලිස්පතිට දෙවැනි වන ජ්යෙෂ්ඨ නියෝජ්ය පොලිස්පති පරිපාලන නොමැති වීම හේතුවෙන් ඉතිහාසයේ පොලිසිය තුළ ඇති වී තිබෙන විශාලම ගැටලුව ඉතා මැනවින් කළමනාකරණය කරගෙන නීත්යානුකූලව එම තනතුරුවලට නිලධාරීන් පත් කරගන්නා තෙක් පොලිස් රාජකාරි පවත්වා ගැනීමට ජ්යෙෂ්ඨ නියෝජ්ය පොලිස්පතිවරු සම්මුතිකව කටයුතු කරමින් ඇතැයි පොලිස් මූලස්ථාන ආරංචි මාර්ග හෙළි කරයි.
පළාත් භාර ජ්යෙෂ්ඨ නියෝජ්ය පොලිස්පතිවරුන් ස්වකීය බලතල ප්රකාරව පළාත් මට්ටමින් පරිපාලන කටයුතු පවත්වා ගන්නා අතර පොලිස් මූසලස්ථානයේ පරිපාලන කටයුතු නියෝජ්ය පොලිස්පතිවරුන් විසින් කළමනාකරණය කරගෙන කිසිම ගැටලුවක් ඇති නොවන ආකාරයට පවත්වාගෙන යන බව එම ආරංචි මාර්ග තහවුරු කරයි.
පොලිසිය බිඳ වැටීමකින් තොරව රාජකාරි කටයුතු සහ පරිපාලන කටයුතු කළමනාකරණය කරන බැවින් පොලිස්පති සහ ජ්යෙෂ්ඨ නියෝජ්ය පොලිස්පති පරිපාලන තනතුරු සඳහා අනවශ්ය හදිස්සි කිරීම්වලින් තොරව නීත්යානුකූලව නිලධාරීන් පත් කරගැනීමට ඕනෑ තරම් අවස්ථාව ඇති බවත්, පොලිසිය වැනි විධිමත් පරිපාලන නියමන් සහිත සංවිධිත ආයතනයක සතිකට දෙකකට තනතුරක් දෙකක් හිස් වූ පමණන් අවුල් වී බිඳ නොවැටෙන බවත් පොලිස් මූලස්ථානයේ අභ්යන්තර ආරංචි මාර්ග පවසයි.
