තමන්ට කිසිදු දැනුම් දීමක් නොකර හෝමාගම පොහොට්ටු රැස්වීමක් සංවිධානය කලැයි පොදු ජන පෙරමුණේ ජාතික සංවිධායක නාමල් රාජපක්ෂට එරෙහිව මහා මාර්ග සහ ජනමාධ්ය ඇමති බන්දුල ගුණවර්ධන හෝමාගම පොලිසියට පැමිණිල්ලක් සිදු කර ඇතැයි වාර්තා වේ.
අමාත්ය බන්දුල ගුණවර්ධන විසින් එම පැමිණිල්ලේ දක්වා ඇත්තේ නාමල් රාජපක්ෂ පක්ෂයේ විනය කඩකර ඇති බවය.
කෙසේ වෙතත් මේ අවස්තථාවේදි අමාත්යවරයාට කරුණු දක්වමින් මෙවැනි සිද්ධි සම්බන්ධව පොලිසියට ක්රියාත්මක විය නොහැකි බවට පොලිසිය ඇමතිවරයාට පැහැදිලි කර ඇතැයි පොහොට්ටුවේ ආරංචි මාර්ග පවසයි.
මේ පිලිබඳව පොදුජන පෙරමුණේ ජාතික සංවිධායක නාමල් රාජපක්ෂගෙන් කළ විමසුමකදී ඔහු ප්රකාශ කළේ හිටපු පළාත් සභා මන්ත්රී ජනක වැලිවත්ත ගේ ආරාධනය පරිදි ඔහුගේ නිවසට පැමිණි බවයි.
එහි දී තේ පැන් සංග්රහයකටද සහභාගී වූ බවත් පාක්ෂිකයින් රැසක් තමා හමුවීමට පැමිණි බවත් කී නාමල් රාජපක්ෂ විශේෂ රැස්වීම් නොපැවැතවූ බව ද කීවේය.
කෙසේ වෙතත් පොහොට්ටුවේ අභ්යන්තර ආරංචි මාර්ග පවසන්නේ අමාත්ය බන්දුල ගුණවර්ධන පසුගිය වකවානුව පුරාම නෙළුම් මාවත පොදු ජන පෙරමුණු මූලස්ථානය වෙත හෝ පැමිණ නැති බවය.
