ජනාධිපති රනිල් වික්රමසිංහට ඉදිරි ජනාධිපතිවරණයේදී සහය පළ කිරීමට ශ්රී ලංකා පොදුජන පෙරමුණේ මන්ත්රීවරු 92 ක් අද (30) ඒකමතිකව තීරණය කරනු ලැබ ඇත.
එම තීරණය ගෙන ඇත්තේ ජනාධිපති රනිල් වික්රමසිංගේ ප්රධානත්වයෙන් හා අග්රාමාත්ය දිනේෂ් ගුණවර්ධනගේ සහභාගීත්වයෙන් ජනාධිපති මන්දිරයේදී පැවති ආණ්ඩු පක්ෂයේ මන්ත්රී කණ්ඩායම් රැස්වීමේදී සිදුකළ යෝජනා සම්මතයකිනි.
ජනාධිපති රනිල් වික්රමසිංහට සහාය පළ කිරීමේ යෝජනාව සෞඛ්ය අමාත්ය වෛද්ය රමේෂ් පතිරණ මන්ත්රී කණ්ඩායම් රැස්වීමට ඉදිරිපත් කර අතර පාර්ලිමේන්තු මන්ත්රී එස්.බී දිසානායක එම යෝජනාව ස්ථීර කර තිබේ.
මේ අතර ශ්රී ලංකා පොදුජන පෙරමුණේ දිස්ත්රික් නායකත්වය දරන පාර්ලිමේන්තු මන්ත්රීවරුන්ද ජනාධිපතිවරණයේදී ජනාධිපතිවරයාගේ ජයග්රහණය වෙනුවෙන් කැපවී ක්රියා කරන බවට මෙම කණ්ඩායම් රැස්වීමේදී ප්රතිඥා දී ඇත.
ශ්රී ලංකා පොදු ජන පෙරමුණෙන් අපේක්ෂකයෙකු ඉදිරිපත් කිරීමට පක්ෂව එහි විධායක සභාවේදී ඡන්දය ප්රකාශ කළ මන්ත්රීවරුන් මෙම මන්ත්රී කණ්ඩායම් රැස්වීමට සහභාගී වී නොසිටි අතර හිටපු ජනාධිපති මහින්ද රාජපක්ෂ මන්ත්රී කණ්ඩායම් රැස්වීමට සහභාගී වීමට නොහැකි බව දැනුම් දී තිබුණි.
වන ජීවී සහ වන සම්පත් අංරක්ෂණ අමාත්ය පවිත්රා වන්නිආරච්චි ද මෙම කණ්ඩායම් රැස්වීමට සහභාගී වී සිටියාය.
