ලලිත් චාමින්ද –
ආගමන විගමන දෙපාර්තමේන්තුව විසින් වසර 21 පමණ කාලයක සිට ටෙන්ඩර් කැඳවීමකින් තොරව සැපයුම් දිගු ලබාදෙමින් ප්රසම්පාදන කාර්යයෙන් බැහැරව එකම ආයතනයකින් හිස් විදේශ ගමන් බලපත්ර මිලදී ගෙන ඇති බැව් ජාතික විගණන කාර්යාලය මගින් නිකුත්කොට ඇති වාර්තාවක සදහන් වේ.
හිස් ගමන්බලපත්ර වල අවශ්යතාවය සැලකිල්ලට නොගෙන මිලදි ගැනිම් සිදුකොට තිබුණ බවත්, මේ හේතුවෙන් නිකුත් කිරිමට අවශ්ය ගමන්බලපත්ර සංඛ්යාවේ අවශ්යතාවයට අනුව හිස් ගමන් බලපත්ර නොමැතිවීම විදේශ ගමන් බලපත්ර නිකුත් කිරිමේ ප්රමාදයට මුලික හේතුවක් වී තිබුණ බවත් විගණනය හෙළි කරයි.
හිස් විදේශ ගමන් බලපත්ර මිලදි ගැනීමට මෙම පුද්ගලික ආයතනය 2003 වර්ෂයේ දි තෝරාගෙන තිබුණි. ආගමන විගමන දෙපාර්තමේන්තුව විසින් හිස් ගමන් බලපත්ර නියමිත කාලය තුළ ගෙන්වා නොගැනිම නිසා ඇතිවු හිස් ගමන් බලපත්ර හිඟය නිසාවෙන් දෙපාර්තමේන්තුවට අතිරේක වියදමක් දැරිමට සිදුවූ බවත් එම වාර්තාව අනාවරණය කරයි.
හිස්ගමන් බලපත්ර හිගය හේතුවෙන් ගමන් බලපත්ර ගුවන් මගින් ගෙන්වීමට ගුවන් භාණ්ඩ ප්රවාහනය, ලේඛණ හා අමතර වැඩගාස්තු ලෙස ඇමරිකානු ඩොලර් 33,672.35ක මුදලක් පුද්ගලික ආයතනයක් වෙත ගෙවා තිබුණ බව ද විගණනය කියයි.
එමෙන්ම ආගමන හා විගමන දේපාර්තමේන්තුවේ ප්රධාන කාර්යාලය හා ශාඛා කාර්යාල වෙත ඉකුත් වර්ෂය තුල විදේශ ගමන් බලපත්ර අයදුම්පත් 321,216ක් ලැබි තිබුණත් මින් නිකුත්කොට ඇත්තේ විදේශ ගමන්බලපත්ර 198,592ක් බවත් ප්රතිශතයක් වශයෙන්ගත් කළ එය සියයට 62ක් පමණක් බවත් විගණන වාර්තාවේ සඳහන් වේ.
