අසේල කුරුළුවංශ –
මත්ද්රව්ය නිෂ්පාදන කරන රටක් බවට ශ්රී ලංකාව පත්වීම ඉතා බරපතළ තත්ත්වයක් බව මල්වතු පාර්ශවයේ මහනායක අතිපූජ්ය තිබ්බටුවාවේ ශ්රී සිද්ධාර්ථ සුමංගල මහනාහිමියෝ පැවසූහ.
රට මත් උවදුරින් මුදා ගැනීම සඳහා රජය අවංක වුවමනාවකින් කටයුතු කරන බවක් පැහැදිලිව පෙනෙන්නට තිබෙන බවත් තරුණ පරපුර ඉන් ගලවා ගැනීම සඳහා පුළුල් වැඩපිළිවෙළක් අවශ්ය බවත් උන්වහන්සේ කීහ.
මහනාහිමියෝ එසේ පැවසුවේ මහජන ආරක්ෂක හා පාර්ලිමේන්තු කටයුතු පිළිබඳ අමාත්ය ආනන්ද විජේපාල සහ පොලිස්පති ප්රියන්ත වීරසූරිය ය පෙරේදා (27) මල්වතු මහා විහාරයට ගොස් උන්වහන්සේ බැහැදැක ආශිර්වාද ලබාගත් අවස්ථාවේදීය.
මෙහි දී අදහස් දැක්වූ පොලිස්පති ප්රියන්ත වීරසූරිය පැවසුවේය මත්ද්රව්ය නිෂ්පාදනය කරන ස්ථාන 07 ක් පමණ පසුගිය කාලය තුළ වැටලීමට ලක්කර පුද්ගලයින් අත්අඩංගුවට ගත් බවය.
අවසානයට කළ වැටලීමේ දී අත්අඩංගුවට පත්වූයේ විදේශිකයෙකු බවත් කී පොලිස්පතිවරයා එම ස්ථානයේ තිබී සොයාගත් මත්ද්රව්ය අයිස් වලටද වඩා භයානක බව රස පරීක්ෂක වාර්තා මගින් තහවුරු කර තිබෙන බව ද අවධාරණය කළේය. මත්ද්රව්ය චෝදනා සම්බන්ධයෙන් බොහෝ විට අත්අඩංගුවට පත්වන්නේ එකම පිරිසක් බව පෙනෙන්නට තිබෙන බවත් අත්අඩංගුවට ගෙන රිමාන්ඩ් කිරීමෙන් පමණක් මෙම ගැටලුව නිරාකරණය කිරීමට නොහැකි බව සියලු දෙනා අවබෝධ කරගෙන සිටින බවත් පොලිස්පතිවරයා තව දුරටත් කීවේය.
මහජන ආරක්ෂක හා පාර්ලිමේන්තු අමාත්ය ආනන්ද විජේපාල සහ පොලිස්පති ප්රියන්ත වීරසූරිය අස්ගිරි මහා විහාරයට ගොස් එම පාර්ශවයේ මහනායක අතිපූජ්ය වරකාගොඩ ශ්රී ඤාණරතන නාහිමියන්ද උභය මහා විහාරයන්හි අනුනායක ස්වාමින්ද්රයන් වහන්සේලා ද බැහැදැක ආශිර්වාද ලබා ගත්හ.
