දිනසේන රතුගමගේ –
යාපනයේ ස්වේච්ඡා සංවිධාන කීපයක නියෝජිතයෝ දෙමළ ජාතික සන්ධානයට එරෙහිව ඊයේ (25) යාපනය නගරයේදී විශාල උද්ඝෝෂණයක් සංවිධානය කොට තිබුණි.
ඔවුන් කියා සිටියේ දෙමළ ජනතාව රවටමින් ඔවුන් දේශපාලනමය වාසි ලබා ගන්නා පිරිසක් මිස දෙමළ ජනතාවට අයිතිවාසිකම් ලබා දෙන දෙමළ පක්ෂයක් නොවන බවයි.
යුද අපාරාධ සම්බන්ධයෙන් විවිධ රජයන්ට චෝදනා එල්ල කරන ඔවුන් එල්.ටී.ටී.ඊ.සංවිධනය උතුරු පළාතේ සිටි කාලයේ දී ඔවුන්ද ඒවා අනුමත කළ පිරිසක් බව විරෝධතාකරුවෝ කියා සිටියහ.
දෙමළ ජනතාවගේ ප්‍රශ්න කිසිවකට ඔවුන් පෙනී නොසිටින බවත් ගත වූ කාලය මුළුල්ලේම දෙමළ ජාතික සන්ධානය විසින් දෙමළ ජනතාව රැවටවූ බවත් එම පක්ෂයේ ඉහළ තනතුරු හා සැප විදින්නේ යම් පිරිසක් පමණක් බවත් විරෝධතාකරුවෝ කියා සිටියහ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
යාපනය ප්‍රධාන බස් නැවතුම්පල ඉදිරිපිටින් ආරම්භ වූ මෙම විරෝධතාවය අවසානයේදී පෙළපාලියක් බවට පත් කර ගනිමින් ඔවුන් කෑකෝ ගසමින් යාපනය නගරය පුරා ගමන් කළහ.