ලොව රටවල් 30 ක පමණ ව්‍යාප්ත වී ඇති කොරෝනා වයිරසයේ ලැම්ඩා ප්‍රභේදය පිළිබඳ මෙරට සෞඛ්‍ය අංශ සිය දැඩි අවධානය යොමු කර තිබේ.
ඒ ලෝක සෞඛ්‍ය සංවිධානය පවසන පරිදි කොවිඩ් ප්‍රභේද විකෘති මගින් සම්ප්‍රේෂණය වීමේ හැකියාව වැඩි කිරීමට හෝ ප්‍රතිදේහ උදාසීන කිරීමට, ප්‍රතිරෝධය වැඩි කිරීමට ඉඩ ඇති බැවින් දැනට පවතින කොවිඩ් එන්නත්වලට පවා මෙම ප්‍රභේදය ප්‍රතිරෝධී වීමේ ඉඩක් ඇති නිසා ය.
මේ පිළිබඳ සෞඛ්‍ය සේවා නියෝජ්‍ය අධ්‍යක්ෂ වෛද්‍ය හේමන්ත හේරත් මහතා පැවසුවේ සෞඛ්‍ය බලධාරීන් තවමත් ලැම්ඩා ප්‍රභේදය පිළිබඳ තොරතුරු එක්රැස් කරමින් සිටින බවයි.
COVID-19 පාලන රාජ්‍ය අමාත්‍ය ආචාර්ය සුදර්ශනි ප්‍රනාන්දුපුල්ලේ මහත්මිය ඩේලි මිරර් පුවත් වෙත පවසා ඇත්තේ ලැම්ඩා ප්‍රභේදය වෙනත් රටවල ව්‍යාප්ත වුවද මේ දක්වා නව සෞඛ්‍යාරක්ෂක උපදෙස් කිසිවක් දී නොමැති බවයි.
ලැම්ඩා සහ අනෙකුත් සියලුම කොවිඩ් ප්‍රභේදයන්ගෙන් ආරක්ෂා වීම සඳහා මුඛ ආවරණ පැළඳීම සහ සමාජ දුරස්ථභාවය පවත්වා ගැනීම ඇතුළු සියලු පූර්වාරක්ෂාවන් ගන්නා ලෙස සෞඛ්‍ය බලධාරීන් මහජනතාවගෙන් ඉල්ලා සිටී.
වසංගත‍ය හේතුවෙන් පැනවූ සීමා කිරීම් මේ සතියේ තවදුරටත් ලිහිල් කළද දැනටමත් ක්‍රියාත්මක සෞඛ්‍ය මාර්ගෝපදේශ දැඩි ලෙස පිළිපදින්නැයි සෞඛ්‍ය අංශය ජනතාවගෙන් ඉල්ලා සිටී.
ලැම්ඩා ප්‍රභේදය නොහොත් සී .37 ප්‍රථම වරට 2020 අගෝස්තු මාසයේදී පේරු රාජ්‍යයෙන් අනාවරණය වී ඇත.
පසුගිය මාස දෙක තුළ පේරු හි නව COVID රෝගීන්ගෙන් 82% කට හේතුවී ඇත්තේ මෙම නව ලැම්ඩා ප්‍රභේදයයි.
විදේශ මාධ්‍ය වාර්තා පෙන්වා දුන්නේ ජුනි මැද භාගය වන විට දකුණු ඇමරිකාවේ විශේෂයෙන් ඉහළ ව්‍යාප්තියක් ඇති රටවල් 30 කට අධික සංඛ්‍යාවක මෙම ප්‍රභේදය අනාවරණය වී ඇති බවයි.
ජුනි මස මැද භාගයේදී, ලෝක සෞඛ්‍ය සංවිධානය විසින් එය උනන්දුවක් දැක්විය යුතු ප්‍රභේදයක් ලෙස සලකනු ලැබීය.
එය මුල් ප්‍රභේදයට වඩා සම්ප්‍රේෂණය විය හැකි ප්‍රභේදයක් බවට පවසා ඇති අතර, රටවල් ගණනාවක පැතිරීමට හේතු වී තිබේ.
මෙය න්‍යායාත්මකව වඩා දරුණු COVID තත්ත්වයක් විය හැකි හෝ දැනට පවතින ප්‍රතිකාර හා එන්නත් මග හැරීමට ඉඩ ඇති බව ද පවසා තිබේ.
මෙම අවස්ථාවෙහිදී, ඩෙල්ටා ප්‍රභේදය වැනි වෙනත් ප්‍රභේදවලට වඩා ලැම්ඩා ප්‍රභේදය වඩා මාරාන්තික විය හැකිද යන්න හෝ එන්නත් හෝ ප්‍රතිකාර වලට ප්‍රතිරෝධීද යන්න දැන ගැනීමට ඉක්මන් වැඩි බවද පවසා ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
කෙසේවෙතත් ඒ පිළිබද පර්යේෂණ ගණනාවක විශේෂඥයෝ දැනටමත් නියැලෙති.