සූරියවැව නුවන් ජයසේකර –
තංගල්ල විතාරන්දෙණියේදී මාර්ගයේ ගමන් කරමින් සිටි පුද්ගලයෙකු ජීප් රථයකට යට කර පළායමින් සිටි ප්රංශ ජාතික පුද්ගලයෙකු තංගල්ල මුලස්ථාන පොලිස් නිළධාරීන් විසින් ඊයේ (13) අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ ජීෆ් රථයේ රියදුරු ලෙස කටයුතු කල 32RD. LAZARE. 91120. PALAISEAV. FRANCE යන ලිපිනයේ පදිංචි HERVE YVES CALLIGARO නැමති ප්රංශ ජාතික පුද්ගලයායි.
සැකකාර ප්රංශ ජාතිකයා ජීප් රථයකින් වීරකැටිය දෙස සිට තංගල්ල දෙසට ගමන් කරමින් සිටියදි විතාරන්දෙණිය ප්රදේශයේ මාර්ගයේ පා ගමනින් ගමන් කරමින් සිටි පුද්ගලයෙකුගේ ගැටී තිබේ.
අනතුර සිදුකළ ප්රංශ ජාතිකයා ජීප් රථය නොනවත්වා අධික වේගයෙන් ප්රදේශයෙන් පළාගොස් තිබේ. ජීප් රථයේ ගැටීමෙන් තුවාල ලැබූ 40 හැවිරිදි අංක 189, තේනගම, විතාරන්දෙණිය ලිපිනයේ පදිංචි ජයසේකර කංකානම්ගේ ක්රිෂාන්ත නැමති අය ප්තිථිකාර සදහා තංගල්ල මුලික රෝහලට ඇතුළත් කෙරුණි.
සිද්ධිය සම්බන්ධයෙන් විමර්ශන පැවැත් වු තංගල්ල මුලස්ථාන පොලිසියේ රථවාහන අංශයේ නිළධාරීන් විසින් අනතුර සිදුකර පළාගිය සැකකාර ප්රංශ ජාතිකයා අත්අඩංගුවට ගෙන තිබේ.
සැකකරු තංගල්ල මහේස්ත්රාත් අධිකරණයට ඉදිරිපත් කිරිමට නියමිතය. සිද්ධිය සම්බන්ධයෙන් තංගල්ල මුලස්ථාන පොලිසිය වැඩිදුර විමර්ශන පවත්වයි.
