තමා ඇප මුදල් තැන්පත් කළ බැවින්, වත්මන් ජනාධිපතිවරයා ජනාධිපතිවරණ අපේක්ෂකයකු වන නිසා ඔහුට පොලිස්පතියරයකු පත් කිරීමට නොහැකි යැයි පැවසීම අමූලික බොරුවක් බව මහාචාර්ය ජී.එල්. පීරිස් පැවසුවේය. දින 14ක් සඳහා වැඩ බලන පොලිස්පතිවරයෙකු පත්කිරීමට ජනාධිපතිවරයාට බලය තිබෙන බවත් ඊට අනුමැතිය ලැබෙන්නේ ව්යවස්ථා දායක සභාවෙන් බැවින් එම පත් කරන පොලිස්පතිවරයා පිළිබඳ වගකීම ඇත්තේ ජනාධිපතිවරයාට නොව ව්යවස්ථා දායක සභාවට බවත් මහාචාර්ය ජී.එල්. පීරිස් පෙන්වා දුන්නේය.
මහාචාර්යවරයා මේ බව ප්රකාශ කළේ අද කොළඹ පැවති මාධ්ය සාකච්ඡාවකට එක් වෙමිනි.
“වත්මන් ජනාධිපතිවරයා ජනාධිපතිවරණය ගැසට් කළ පැය කිහිපයක් තුළ ඇප මුදල් තැන්පත් කලේ එවැනි තර්කයකට ප්රවේශය සකස් කිරීම සඳහායි. ඒත් වැඩක් නෑ.”
“ආණ්ඩුක්රම ව්යවස්ථාවේ 104 ජි හා 104 ජි.ජී. යන වගන්ති ප්රකාරව ජනාධිපතිවරණය පැවැත්වීම සඳහා පොලිසියට අවශ්ය නියෝග දීමට මැතිවරණ කොමිෂන් සභාවට පූර්ණ බලය තිබෙනවා.” මහාචාර්ය ජී.එල්.පීරිස් පැවසුවේය.
මෙහිදී වැඩිදුරටත් අදහස් දැක්වූ මහාචාර්යවරයා පාර්ලිමේන්තු වරප්රසාදවලට මුවාවී අගමැතිවරයා පාර්ලිමේන්තුවේදී අධිකරණ නියෝග වලට අභියෝග කිරීම තරයේ හෙළා දකින බවත් සැප්තැම්බර් 21යින් පසු අධිකරණය සෘජුව හෝ වක්රව හෑල්ලුවට ලක් කරන පුද්ගලයන්ට විරුද්ධව නීතිය ක්රියාත්මක කරන බවත් මහාචාර්යවරයා අනතුරු ඇඟවූයේය.
පොලිස්පතිවරයාගේ සේවය අත් හිටවූ අධිකරණ නියෝගය විවේචනය කරමින් පාර්ලිමේන්තු වරප්රසාද වලට මුවා වී කථා කළ අගමැතිවරයා ව්යවස්ථා දායක සභාව පාර්ලිමේන්තුව තුළ ක්රියාත්මක කමිටුවක් වන බැවින් එයට මැදිහත්වීම සඳහා කිසිම බාහිර පාර්ශවයකට ඉඩක් නොමැති බවට ගොඩනගන තර්කය පදනම් විරහිත අසත්ය තර්කයක් බව අවධාරණය කළේය.
ඔහු පෙන්වා දුන්නේ කථා නායකවරයා ව්යවස්ථා සභාවේ මුලසුන දැරුවත් එය පාර්ලිමේන්තුව තුළ ක්රියාත්මක වන කමිටුවක් නොවන බවය.
ව්යවස්ථා සභාවේ කාර්යභාරය විධායක හෙවත් පරිපාලන කාර්යභාරයක් බව 2002 දි ශ්රේෂ්ඨාධිකරණයේ විනිශ්චකාරවරුන් 7දෙනෙක්ගෙන් සමන්විත විනිශ්ච මණ්ඩලයක් බලාත්මක තීරණයකින් ප්රකාශයට පත් කොට ඇති බව මහාචාර්යවරයා පෙන්වා දුන්නේය.
වත්මන් ජනාධිපතිවරයා පාර්ලිමේන්තුවේදී ප්රකාශ කළේ ව්යවස්ථා සභාව විධායකයේ කොටසක් බවයි. ,නමුත් අගමැතිවරයා ප්රකාශ කරන්නේ ව්යවස්ථා සභාව ව්යවස්ථාදායකයේ කොටසක් කියලා. ඒ අනුව පෙනී යන්නේ ජනාධිපතිවරයා හා අගමැතිවරයා අතර මතගැටුමක් පවතින බවයි. එහෙම නැතිනම් රජය දෙබිඩි ප්රතිපත්තියක් අනුගමනය කරනවා.
අධිකරණය හෑල්ලුවට ලක් කිරීම සඳහා කිසිවකුට ඉඩ දෙන්නේ නෑ,. ඔවුන් සියලු දෙනාට නොවැම්බර් 21න් පස්සේ දඬුවම් කරනවා.
මහාචාර්ය ජී.එල් පීරිස් පැවසුවේය.
