2024 මහා මැතිවරණයේ ඡන්ද ප්රකාශ කිරීම අද (නොවැම්බර් 14 වැනිදා) සවස 4ට අවසන් විය. ඡන්ද විමසීම ඉතාම සාමකාමීව පැවති බව මැතිවරණ කොමිසම සඳහන් කරයි.
පැෆරල් සංවිධානයේ විධායක අධ්යක්ෂ රෝහණ හෙට්ටිආරච්චි අවධාරණයෙන් පැවසුවේ රාජ්ය බලය සහ රාජ්ය දේපල අවභාවිතා කිරීම මෙම මැතිවරණයේ දි තිබුණේ නොසලා හළ හැකි තරම් අවම මට්ටමකින් බවය. ඔහු පැවසුවේ එය ශ්රී ලංකා මැතිවරණ ඉතිහාසයේ ඉතාම සාධනීය කාරණයක් බවය.
මහා මැතිවරණයේ පළමු නිල ප්රතිඵලය අද මධ්යම රාත්රියට පෙර නිකුත් කිරීමට බලාපොරොත්තු වන බවත් මෙම මැතිවරණය වඩාත් අර්ථාන්විත ගෞරවනීය එකක් කරගැනීම සඳහා සියලුම පුරවැසියන්ගේ කැපවීම අපේක්ෂා කරන බවත් මැතිවරණ කොමිෂන් සභාවේ සභාපති ආර්.එම්.ඒ.එල් රත්නායක පැවසුවේය.
ඡන්දය දැමීමෙන් අනතුරුව නිවාසවලට වී සිටින ලෙස මැතිවරණ කොමිසමේ සභාපතිවරයා ඉල්ලා සිටියේය. ඔහු පැවසුවේ මහ මග ගැවසීම, පුලුල් තිර යොදාගෙන කණ්ඩායම් ලෙස මැතිවරණ ප්රතිඵල බැලීම, රූපවාහිනියෙන් ප්රතිඵල නැරඹීම සඳහා කණ්ඩායම් එක්වීම අයුතු ජන රාශියට ගැනෙන වරදක් බැවින් එසේ කිරීමෙන් වළකින ලෙසය. එවැනි අවස්ථා විසුරුවා හැරීමට හෝ අදාල නීතිය ක්රියාත්මක කිරීමට නීතිමය බලයක් පොලිසිය සතුව ඇති බව මැතිවරණ කොමිසමේ සභාපතිවරයා දැනුම් දුන්නේය.
