අද (1) අලුයම රෝගින් පිරිසක් රැගෙන යමින් තිබු ගිලන් රථයක් දිවුලපැලැස්ස මහියංගන ප්රධාන මාර්ගයේ හෙබරව ප්රදේශයේ දී ත්රිරෝද රථයක ගැටීමෙන් රෝගීන් 6ක් ඇතුළු 11 දෙනකු තුවාල ලබා මහියංගන රෝහලට ඇතුළත් කළ බව දිවුලපැලස්ස පොලිසිය පවසයි .
අනතුරට ලක්ව ඇත්තේ විල්ගමුව ප්රාදේශීය රෝහලට අයත් ගිලන් රථයකි. අනතුර සිදුවන අවස්ථාවේ දී විල්ගමුව රෝහලේ සිට මහියංගන රෝහලට රෝගීන් පිරිසක් රැගෙන ගිලන් රථය ධාවනයය වෙමින් තිබී ඇත. ගිලන් රථයේ ගැටුණු ත්රී රෝද රථයේ ගමන් කරමින් සිට ඇත්තේ නෑදෑ ගෙදරක යමින් සිටි එකම පවුලේ පිරිසකි.
අනතුරින් ත්රිරෝද රථයේ ගමන් ගත් අවුරුදු එකහමාරක් සහ දෙකහමාරක් වයස කුඩා දරුවන් දෙදෙනකු සමග ගිලන් රථයේ රිය සහයක සහ හෙද නිළධාරිනියක තුවාල නොලබා බේරී ඇතැයි පොලිසිය පවසයි.
අනතුරින් ගිලන් රථ රියදුරු , හෙද නිළධාරිනියක,රෝගින් හයදෙෙකු ද ත්රිරෝද රථය පදවාගෙන ගිය 62 හැවිරිදි පියකු සමග අවුරුදු 28, 32 වයසේ පසුවන දියණියන් දෙදෙනකු තුවාල ලබා ඇතැයි පොලිසිය පැවසීය .
ගිලන් රථයට සහ ත්රිරෝද රථය ට අනතුරින් දැඩි ලෙස අලාභහානි වී තිබේ.
