මාතර-උදය
පැරණි නිල්පැහැති මුද්‍රාවට උඩින් රතු පැහැති මුද්‍රාව දමා එවා තිබුණු ගෑස් ටැංකියකට සම්බන්ධ කළ ගෑස් ලිපක් පුපුරා ගොස් ගෘහනියට හා නිවෙස් හිමියාට සුළු තුවාල සිදුවීමක් පිළිබඳව කඹුරුපිටිය පොලිස් බල ප්‍රදේශයේ මෝදරහේන, කද්දූව, කරගොඩ, උයන්ගොඩ ප්‍රදේශයෙන් වාර්තා වේ.
ඩී. ධර්මසේන යනගේ නිවසේ ඊයේ රාත්‍රී 9 ට පමණ මෙම පිපිරීම සිදු වී තිබේ.
රතු මුද්‍රාව සහිත ගෑස් සිලින්ඩරයක් මේ පිරිස විසින් මිලදී ගෙන ඇති බවත්, මුද්‍රාව ගලවා බලන විට ඊට යටින් පැරණි නිල්පැහැති මුද්‍රාව මතුවූ බවත් ගෙහිමියෝ ප්‍රකාශ කළහ. අප එම සිලින්ඩරය නිරීක්ෂණය කරන විට ද එහි නිල් පැහැති මුද්‍රාවේ කොටස් නිරීක්ෂණය විය.
“කුලී වැඩක් කරල දවස් දෙකක් මුදල් එකතු කරගෙන තමයි අපි ගෑස් සිලින්ඩරයක් ගන්නේ . සමහර දවසට මාසෙක හමාර ගෑස් ඉවර වෙලා ඉන්නවා .මෙහෙම ගත්තු ගෑස් සිලින්ඩරය මෙහෙම පුපුරලා ගිහින් රුපියල් අටදාහකට ගත්තු ලිපත් කුඩුවෙලා. රෑට උයාපිහා ගත්තු බත් මුට්ටිය හතර අතේ. “
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
“ඇයි රජය මේ ගැන සොයා නොබලන්නේ. රජය නොදැනුවත් ද මේ වගේ වැඩ කරන්නේ කොම්පැනි කාරයෝ. අපි අන්ත අසරණයි මහත්තයෝ.“ ඒ මිනිස්සු අපට කීහ.
