ගණේමුල්ල සංජිවගේ ඝාතකයා පැනගිය වෑන් රථය මීගස් ආරේ කජ්ජා සහ ඔහුගේ දරු දෙදෙනා ඝාතනය වීමට දින දෙකකට පෙර එම ත්රිපුද්ගල ඝාතනය සිද්ධ වූ මිද්දෙනිය ප්රදේශයට ගොස් ඇතැයි විමර්ශන අංශ අනාවරණය කරගෙන තිබේ.
විමර්ශනවලදී අනාවරණය වී ඇත්තේ මේවනවිට අත් අඩංගුවට ගෙන ඇති වෑන් රථයේ රියදුරු පසුගිය 16 වැනිදා වෑන් රථයත් සමග මෙලෙස මිද්දෙනියට ගොස් ඇති බවය.
එදින රාත්රියේ මිද්දෙනිය ආසන්න හෝටලයක රැඳී ඇති ඔහු නැවත පැමිණ ඇත්තේ ඊට පසු දා එනම් 17 වැනිදා බව විමර්ශන අංශ හෙළි කරගෙන තිබේ. ඊට පසු දින එනම් 18 වැනි දින මිද්දෙණියේ කජ්ජා සහ ඔහුගේ දරු දෙදෙනා ඉලක්ක කරගෙන වෙඩි තැබීම සිදුවී තිබේ.
ඒ අනුව මිද්දෙණියේ ත්රිපුද්ගල ඝාතනය සහ ගණේමුල්ල සංජීව ඝාතනය අතර සම්බන්ධතාවයක් ඇතිදැයි විමර්ශන කණ්ඩායම් කරුණු විමසමින් ඇත.
මේ අතර මිද්දෙණිය ත්රිපුද්ගල ඝාතනයේ සැකකරුවන් රැඳවුම් නියෝග මත රඳවාගෙන ප්රශ්න කිරීම මේ වනවිට අරඹා තිබේ. ජීවන් නේවි රුවන් සහ සිඟිති කළු යන පුද්ගලයින් තිදෙනෙක් මේ ආකාරයෙන් රැඳවුම් නියෝගමත රඳවාගෙන ප්රශ්න කරනු ලබයි.
මෙම ඝාතන කොන්ත්රාත්තුව ලබා දුන්නේ බැකෝ සමන් නැමැත්තෙක් බවට තොරතුරු ඇතැයි විමර්ශන කණ්ඩායම් විශ්වාස කරයි.
