පුද්ගලයින් 181 දෙනෙකු රැගත් ගුවන් යානයක් දකුණු කොරියාවේ Muan ජාත්යන්තර ගුවන්තොටුපලට ගොඩබැස්සවීමේ දී සිදුවූ අනතුරින් පුද්ගලයින් 122 දෙනෙකු ජීවිතක්ෂයට පත්ව ඇති බව විදේශ පුවත් සේවා තහවුරු කර තිබේ.
ජීවිත බේරාගත් පුද්ගලයින් දෙදෙනා හැරුනු විට ගුවන් යානයේ ගමන් ගත් 179 දෙනාම ජීවිතක්ෂයට පත්වී ඇයැතිය යන බිය මේ වනවි විදෙස් පුවත් ඒජන්සි විසින් මතු කරයි.
ගුවන් යානය ධාවන පථයෙන් ඉවතට පැන, මුවාන් ජාත්යන්තර ගුවන්තොටුපලේ තාප්පයක ගැටී ඇති බවයි.යානය කඩා වැටීමට හේතුව තවමත් අපැහැදිලිය.
යානයක් ගොඩබෑමේ දී සිදුවිය හැකි අනතුරු අතිශයින්ම අවම මට්ටමක පවත්වා ගැනීම සඳහා තාක්ෂණික අතින් ඉතා දියුණු ආවරණයක් සලස්වා ඇති පරිසරයක මෙවැනි අනතුරක් අභ්යන්තර තාක්ෂණික දෝෂයක් නිසා සිදුවීම ඉතාම දුර්ලභ බවත් අනතුරට හේතුව වෙනත් බාහිර සාධයක් ද, එසේත් නැතිනම් කඩාකප්පල් කාරී ක්රියාවක් ද යන්න පිළිබඳව අවධානය යොමු විය යුතු බවත් මේ වනවිට විශේෂඥ අංශ අදහස් පල කර තිබේ.
මගීන් 175 දෙනෙකු සහ ගුවන් කාර්ය මණ්ඩලයේ 6 දෙනෙකු රැගත් ජෙජු එයාර් ගුවන් යානය තායිලන්තයේ බැංකොක් නුවර සිට පියාසර කරමින් තිබූ අතර යානය දකුණු කොරියාවේ Muan ජාත්යන්තර ගුවන්තොටුපලට ගොඩබෑමේදී මෙම අනතුර සිදුවී තිබිණි.
පුද්ගලයන් දෙදෙනෙකු ජීවතුන් අතර සිටින අතර මුදාගැනීමේ මෙහෙයුම් තවමත් සිදුවෙමින් පවතින බව ගිනි නිවන නිලධාරියෙකු රොයිටර් පුවත් ඒජන්සියට පැවසීය.
ගුවන් තොටුපල නිලධාරියෙකු පැවසුවේ ගුවන් යානයේ පිටුපස කොටසේ පුද්ගලයින් බේරා ගැනීමට හදිසි සේවා කටයුතු කරමින් සිටි බවයි.
