හිටපු සෞඛ්ය ඇමති කෙහෙළිය රඹුක්වැල්ලට එරෙහිව අල්ලස් හෝ දූෂණ විමර්ශන කොමිසම මගින් සිදුකරන විමර්ශන කටයුතුවලට අදාලව ඔහුගේ පුත් රමිත රඹුක්වැල්ල නමින් පවතින කොළඹ 07, ධර්මපාල මාවතේ ඇති සුඛෝපභෝගී මහල් නිවාස පන්තියේ ඒකක දෙකක දේපලක් අයථා වත්කම් රැස් කිරීමේ වරද යටතේ තහනම් කිරීමට කොළඹ මහාධිකරණය අද (19) නියෝග කළේය.
අල්ලස් හෝ දූෂණ චෝදනා විමර්ශන කොමිෂන් සභාව විසින් 2023 අංක 09 දරන දූෂණ විරෝධී පනතේ 53(1) වගන්තිය යටතේ තමන් ලැබී ඇති බලතල ප්රකාරව පසුගිය 13 වැනිදා මෙම කෝටි ගණනක් වටිනා දේපළ දින 07ක කාලසීමාවක් සඳහා තහනම් කරනු ලැබුවේය.
මෙම දේපල තහනම දීර්ඝ කිරීම සඳහා අල්ලස් හෝ දූෂණ විමර්ශන කොමිෂන් සභාව විසින් අධිකරණයෙන් සිදුකළ ඉල්ලීම සලකා බැලූ කොළඹ මහාධිකරණ විනිසුරු මංජුල තිලකරත්න අල්ලස් හෝ දූෂණ චෝදනා විමර්ශන කොමිෂන් සභාව විසින් මෙම දේපල විෂයෙහි පනවා තිබූ තහනම ඉදිරි මාස 03ක කාලය සදහා දීර්ඝ කරමින් තීන්දුවක් නිකුත් කරනු ලැබුවේය.
