කුකුළන් ප්රවාහනය කරමින් තිබූ ලොරි රථයක් දඹුල්ල රිදිඇල්ල ප්රදේශයේදී වන අලියකුගේ ගැටීමෙන් ලොරි රථය පෙරළීම නිසා තුවාල ලැබූ ලොරි රථයේ රියදුරු දඹුල්ල රෝහලට ඇතුළත් කර තිබේ.
රථය පෙරළී යෑමෙන් කුකුලන් විශාල ප්රමාණයක් එම ස්ථානයේම මියගොස් ඇති ආකරය දැකගන්නට ලැබිණි. පණ අදින කුකුල්ලු පාරේ තැන තැන විසරී ගොස් සිටිනු ද දක්නට හැකි වූයේය.
දඹුල්ල දෙස සිට බකමූණ දෙසට ලොරිය ධාවනය වෙද්දී වන අලියකු මාර්ගය හරහා මාරුවෙද්දී මෙම අනතුර සිදුවූ බව ලොරි රථයේ ගමන් කරමින් සිටි සේවකයෙක් සඳහන් කළේය
වන අලියාගේ ගැටීමත් සමඟම රථය පෙරළී මාර්ගයෙන් ඉවතට ඇදී ගිය බවත් ඔහු සඳහන් කළේය. ( කාංචන කුමාර ආරියදාස – ලංකාදීප )
