ශ්රියානි විජේසිංහ –
ඇල්ලවැල්ලවාය මාර්ගයේදී පසුගියදා ඇති වු බස්රථඅනතුරෙන් විපතට පත්වූවන් බේරාගැනීමට දිවිහිමියෙන් කටයුතු කළ බදුල්ල රෝහලේ වෛද්ය පාලිත රාජපක්ෂට එරෙහිව මාධ්ය හසුරුවන කණ්ඩායමක් විසින් පහත් මඩ ප්රචාරයක් ගෙන යෑම හේතුවෙන් වෛද්යවරයා දැඩි අසීරුවකට පත් වී ඇතැයි රෝහල් ආරංචි මාර්ග පවසයි.
මේ පිළිබඳව ලංකාසර කළ විමසුමක දී වෛද්ය පාලිත රාජපක්ෂ ප්රකාශ කළේ ඇල්ලවැල්ලවාය මාර්ගයේ සිදු වූ අනතුර සම්බන්ධයෙන් තමා කටයුතු කළ ආකාරය අභියෝගයට ලක්කරමින් ඇතැම් පුද්ගලයින් මාධ්ය හසුරුවන ඇතැම් පිරිස් ද උපයෝගී කරගෙන තමාට මඩගැසීමේ ව්යාපාරයක් ආරම්භ කර ඇති බවත් එය දෙස උපේක්ෂාවෙන් බලා සිටින බවත්ය.
තමා ඒ මොහොතේදී කටයුතු කළේ රාජකාරියට වඩා මනුෂ්යත්වයට මුල් කර ගනිමින් බවද රෝහල් අධ්යක්ෂවරයාව දැනුවත් කරමින් ඔහුගේ අනුදැනුම මත අවශ්ය කටයුතු නීත්යනුකූලය මෙහෙය වූ බවද හෙතෙම පැවසුවේය.
මේ වනවිට නිර්ණාමික දුරකථන ඇමතුම් ලබාදෙමින් අසභ්යවචනයෙන් බැනවැදී තමන් ක්රියා කළ ආකාරය ගර්හාවට ලක් කරන තැනට තත්ත්වය උග්ර වී ඇති බව පවසන වෛද්ය පාලිත රාජපක්ෂ ඊයේ (25) උදෑසන ද තමා රෝහලේ හදිසි ප්රතිකාර අංශයේ රාජකාරී කරමින් සිටින අවස්ථාවේදී කිසියම් පුද්ගලයෙකු දුරකථන ඇමතුමක් ලබා දී තමාගේ මව සිහිපත් කරමින් අසභ්ය අයුරින් බැන වැදුණු බව හෙළි කළේය.
නැවත එම දුරකථන අංකයට කථා කළත් ක්රියාත්මක නොවුන බව පවසන වෛද්යවරයා මේ ආකාරයේ වර්ධනයන් සිදුවහොත් නම් නෛතික ක්රියාමාර්ගයක් අනුගමනය කරන බව ද පැවසුවේය. ඔහු පෙන්වා දෙන්නේ මනුෂ්ය ජීවිතයක් බේරා ගැනීම වෙනුවෙන් සියලුම කොන්දේසි අමතක කර වෛද්යවරුන් කරන කැපවීම මේ තරම් සමාජ ගර්හාවට ලක්වන කටයුත්තක් නම්, මෙම ප්රතිතචාර අනාගතයේ කිසිම වෛද්යවරයෙක් රාජකාරි සීමාවෙන් ඔබ්බට ගොස් මනුෂ්යත්වයේ නාමයෙන් සිදුකරන කැප කිරීම් කිරීමට අධෛර්ය කරනු ඇති බවය.
