කුරුල්ලන්ගෙන් A(H5N8) නම් කුරුලු උණ වෛරසය මිනිසුන්ට වැළදුණු බවට තහවුරු වූ පළමු සිදුවීම රුසියාවෙන් වාර්තා වෙයි.
ඒ බව ලෝක සෞඛ්‍ය සංවිධානයට (WHO) වාර්තා කර ඇති බව රුසියාවේ රොස්පොට්‍රෙබ්නාඩ්සෝර් ෆෙඩරල් ඒජන්සියේ පාරිභෝගික සෞඛ්‍ය නිරීක්ෂණ අංශයේ ප්‍රධානී ඇනා පොපෝවා පවසා තිබේ.
මීට ටික දිනකට පෙර මෙම වෛරසය මිනිසාට ආසාදනය වී ඇති බවට රුසියාව විසින් ලෝක සෞඛ්‍ය සංවිධානයට දන්වා තිබුණ ද එහිදී එය කුකුළන්ගෙන් සම්ප්‍රේෂණය වූ බවට තහවුරු කර තිබුණේ නැත. ඒ දක්වා ඒ පිළිබද රුසියාව තහවුරු කර නොතිබීම හේතුවෙනි.
ගෙවී ගිය මාසවලදී රුසියාව, යුරෝපය, චීනය, මැදපෙරදිග සහ උතුරු අමෙරිකාවෙන් ද H5N8 වෛරසය හමුවූවද එම සියලු සිද්ධීන් කුකුළන්ගෙන් පමණක් වාර්තා වී තිබුණි.
H5N1, H7N9, H9N2 යන වෛරස ඛාණ්ඩ මිනිසාට වැළදෙන බවට දැනටමත් දන්නා කරුණකි.
කෙසේවෙතත් නිසි ලෙස පිසින ලද ආහාර ආරක්ෂිත යැයි සැලකුවද, මිනිසාට වැළදුණු කුරුළු උණ ආසාදනවලින් බහුතරයක් බෝ වී ඇත්තේ ජීවත්ව සිටින හෝ මියගිය කුකුළු පැටවුන් ඍජුව සම්බන්ධ වීම නිසා බවට පෙනී ගොස් ඇත.
කුරුළු උණ වසගතය පැතිරීම වැළැක්වීම සදහා කුකුළු ගොවිපළවල කුකුළන් මරාදැමීමට පියවර ගනිමින් සිටී.
එපමණක් නොව විදේශයෙන් කුකුළු මස් හෝ කුරුල්ලන් ආනයනයට ද සීමා පනවමින් තිබේ.
බහුල ලෙස මෙම වරෛසය පැතිරෙන බවට සොයාගෙන ඇත්තේ සංක්‍රමණ වනගත කුරුල්ලන්ගෙනි. මේ නිසා කුකුළු ගොවිපළවල කුකුළන් ගොවිපළවල් තුළම තබාගැනීමටත් බාහිර කුරුල්ලන් හෝ කැලෑව සමග කිසිසේත් සමබන්ධ නොවන අයුරින් තබාගැනීමටත් වගබලා ගැනීමට බලධාරීන් උපදෙස් දී ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
රුසියාවේ දකුණුදිග ප්‍රදේශයේ කුකුළු ගොවිපළක කම්කරුවන් හත් දෙනෙකුට දෙසැම්බර් මාසයේදී එච්5එන්8 ආසාදනය වී ඇති බව වාර්තා වීමත් සමග රුසියාවේ අවධානය වසංගතය කෙරෙහි යොමුවන්නට විය. කෙසේවෙතත් මේ වනවිට එම කම්කරුවන් සුවෙන් සිටින බවට ද එරට වාර්තා සදහන් කරයි.