ශ්‍රියානි විජේසිංහ –
එක්සත් ජනපදයේ මේ වන විට පැතිරෙමින් තිබෙන HMPV නම් තවමත් ප්‍රතිකාරයක් සොයාගෙන නොමැති, මාරාන්තික විය හැකි වෛරසය සම්බන්ධයෙන් ශ්‍රී ලංකා සෞඛ්‍ය අංශ සීරුවෙන් පසුවන බව සෞඛ්‍ය අමාත්‍යාංශයේ වෛද්‍ය අන්වර් හම්දානි සඳහන් කරයි.
විදේශ රටක පැතිර යන ඕනෑම නව රෝගයක් ශ්‍රී ලංකාවට තර්ජනයක් විය හැකි බැවින් අමාත්‍යාංශය සැමවිටම සීරුවෙන් සිටින බවත් එක්සත් ජනපදයේ පැතිර යන වෛරසය සම්බන්ධයෙන් වසංගත රෝග අංශය නිරීක්ෂණය කරමින් සිටින බවත් ඔහු වැඩිදුරටත් පැවසුවේය.
එක්සත් ජනපදය පුරා මෙම වෛරස පැතිර යන නමුත් ඒ පිලිබඳව අප දැනුවත් වීම හා සෞඛය ආරක්ෂිත ක්‍රමවේදයන් අනුගමන කිරීම වැදගත් යැයිද හෙතෙම පෙන්වා දුන්නේය.
වසංගත රෝග විද්‍යා අංශයේ ප්‍රකාශකයෙක් සදහන් කලේ මෙය කොවිඩ් වසංගතය මෙන් ශ්වසන රෝගයක් ලෙස පැතිර යා හැකි බැවින් කල්පනාකාරි විම වැදගත් බවයි.
ප්‍රතිකාර සඳහා දැනට එන්නත් හෝ ප්‍රතිවෛරස් ඖෂධ නොමැති Human metapneumovirus හෝ HMPV නමැති වෛරස මාර්ගයෙන් වැළඳෙන ශ්වසන රෝගයක් අමෙරිකාව හදිසියේ ඉහළ යමින් පවතින බව විදෙස් මාධ්‍ය වාර්තා කර ඇති බවද ඔහු පෙන්වාදේ.
එක්සත් ජනපද රෝග පාලන හා වැළැක්වීමේ මධ්‍යස්ථානය පෙන්වා දී ඇත්තේ මේ සදහා කළ හැක්කේ රෝග ලක්ෂණ සඳහා ප්‍රතිකාරයන් ලබා දීම පමණක්ය යැයිද එම ප්‍රකාශකයා පැවසුවේය .
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මෙය ශ්වසන මාර්ගයෙන් වැළඳෙන රෝගයක් බැවින් හැකි හැම විටම කොවිඩ් කාලයේදී අප අනුගමනය කළ සෞඛ්‍ය පුරුදු නැවත ඒ ආකාරයෙන්ම පිලිපැදීම වැදගත් බවත් අනවශ්‍ය බියක් ඇති කර නොගත යුතු බවත් එම ප්‍රකාශකයා පැවසුවේය.