ශ්රී ලංකා ක්රිකට් ආයතනය විසින් නුදුරේ පැවැත්වීමට නියමිත ක්රිකට් පුහුණුකරුවන් සඳහා වන Level 3 පාඨමාලාව හැදෑරීමට පුහුණුකරුවන් තෝරා ගැනීමේ ක්රමවේදයේ ගැටලු රැසක් ඇතැයි එම පාඨමාලාවට අයැදුම් කළ පුහුණුකරුවන් රැසක් ලංකාසරට පැවසූහ.
මේ සඳහා Level 2 සමත් පුහුණුකරුවන් හැත්තෑවක් පමණ ඇයැදුම් කර ඇති අතර ඔවුන් අතරින් තෝරාගත් පුහුණුකරුවන් හැටක් සම්මුඛ පරීක්ෂණ සඳහා කැඳවා ඇත.
මෙම සම්මුඛ පරීක්ෂණවලදී සම්මුඛ පරීක්ෂණ මණ්ඩලයේ සිට ඇත්තේ අධි තාක්ෂණ අංශයේ හා පුහුණු අධ්යයන අංශයේ ප්රධානීන් ය.
සාමාන්ය ක්රම වේදය අනුව තොරා ගැනීම කරන්නේ මේ වන විට පුහුණුවේ යෙදෙන පුහුණුකරුවන් ය. එහෙත් තෝරා ගෙන ඇති අය අතර මෑත කාලයේ කිසිදු පුහුණුකිරීමක නිරත නොවූ විනිසුරන්, තේරීම් කමිටු නිලධාරීන් පවා සිටින බව ඔවුහු පවසති.
තමන් මේ අසාධාරණය පිළිබඳව ක්රීඩා ඇමති වරයාට පැමිණිලි කිරීමටත් මානව හිමිකම් නඩුවක් පැවරීමටත් බලාපොරොත්තු වන බව එක් පුහුණුකරුවකු පැවසීය.
තවත් පුහුණු කරුවකු පැවසුවේ පුහුණු අධ්යයන අංශයේ ඇතැමුන් අල්ලස් ලබා ගෙන ඇති බවටත් ක්රිකට් ඉහළ බලධාරියකු ඔහුගේ ගම් ප්රදේශයේ ඇතැමුන් බලපෑම් කොට ඇතුළත් කර ඇති බවට තමන්ට තොරතුරු ලැබී ඇති බවයි.
මුලින් 20 දෙනකු තෝරා ගන්නා බව දැනුම් දී තිබුණත් දැන් එය 21 බවට පත්ව ඇති අතර හෙට අනිද්දා මේ සංඛ්යාව මීටත් වඩා වැඩි විය හැකි බවත් ඔහු වැඩි දුරටත් පැවසීය.
තෝරා ගෙන ඇති පුහුණුකරුවන් මෙසේය.
තරංග පරණවිතාන, අනිල් රිදීගම්මනගෙදර, චරිත බුද්ධික, යොහාන් ද සිල්වා, ඉෂාර අමරසිංහ, ගයාන් සිරිසෝම, සමීර සොයිසා, පුබුදු අළුවිහාරේ, හසන්ත ප්රනාන්දු, රුචිර පල්ලියගුරුගේ, හර්ෂ කුරේ, දිනූෂ ප්රනාන්දු, සුනෙත් ගයාන්, චමින්ද බණ්ඩාර, චානක විජේසිංහ, ජයතු නිලවීර, ප්රසාද් රණවක, ගිහාන් රූපසිංහ, ඉයන් ඩැනියෙල්, චමින්ද, සෙල්වා
