දිනසේන රතුගමගේ-
ඉන්දීය ධීවර යාත්රාවක් පැහැර ගෙන එය කැබලි වලට කඩා අලෙවි කළ යාපනයේ පුද්ගලයින් තුන් දෙනෙකු පේදුරුතුඩුව පොලීසිය විසින් ඊයේ ( 31 ) අත් අඩංගුවට ගෙන තිබේ.
හත් දෙනෙකුගෙන් සමන්විත මේ කොල්ල කණ්ඩායම යාපනයේ පේදුරුතුඩුව ප්රදේශයේ රැදී සිටිමින් ධීවර යාත්රා පැහැර ගෙන කොටස් වලට කඩා අලෙවි කිරීම කාලයක් තිස්සේ කරගෙන ගොස් තිබේ.
ඉන්දීය යාත්රාව පැහැර ගෙන එයද කොටස් කොට අලෙවි කිරීමෙන් පසුව මුදල් බෙදා ගැනීමට යාමේදී ඇති වූ ආරවුලක් මත ඔවුන් අතර රණ්ඩුවක් ඇතිවී ඔවුන් එකිනෙකාට පහර දීගෙන තිබේ.
අවසානයේදී එක් පුද්ගලයෙකු පේදුරුතුඩුව පොලීසියට ගොස් සිද්ධිය සම්බන්ධයෙන් පැමිණිලි කිරීම නිසා පැමිණිල්ල විභාග කළ පොලීසියට මෙම හොරකම පිළිබදව තොරතුරු අනාවරණය වී තිබේ.
පසුව සිද්ධියට සම්බන්ධ සැකකරුවන් තුන් දෙනෙකු අත් අඩංගුවට ගෙන ඔවුන්ගෙන් ප්රශ්න කරගෙන යයි.
සැකකරුවන් ලබා දුන් තොරතුරු වලට අනුව ඉන්දීය යාත්රාවේ තිබූ බෝට්ටු එන්ජින් දෙකක් ඇතුලු රුපියල් ලක්ෂ අටක් පමණ වටිනා භාණ්ඩ වෙළද සැලකට අලෙවි කොට තිබියදී පොලීසියට සොයා ගැනිමට හැකි වී තිබේ.
ඉන්දීය යාත්රාව පැහැර ගත් බවට එම ධීවරයින් පිරිස මීට දින කීපයකට ඉහතදී රාමේස්වරන් පොලීසියට පැමිණිලි කොට ඇති අතර ඒ සිද්ධිය ගැන යාපනයේ පිහිටි නියෝජ්ය ඉන්දීය කොන්සෝල් ජෙනරාල් කාර්යලයද දැණුවත් කොට තිබිම හේතුවෙන් මේ සැකකරුවන්ගේ හොරකම පිළිබදව සියලු තොරතුරු සනාථ වී තිබේ.
සැකකරුවන් මක්ල්ලාකම් අධිකරණය වෙත ඉදිරිපත් කිරීමට පේදුරුතුඩුව පොලීසිය පියවර ගෙන තිබේ.
