2015 දී පොහොර සංස්ථාවේ සේවය කරමින් සිටියදී අරමුදල් අවභාවිත කිරීම සම්බන්ධයෙන් දූෂණ පැමිණිලි ලැබීමෙන් පසු බලශක්ති අමාත්ය කුමාර ජයකොඩිට එරෙහිව නඩු පැවරීමට අල්ලස් හෝ දූෂණ චෝදනා විමර්ශන කොමිසම ගත් තීරණය ක්රියාත්මක වෙමින් පවතින බවත් කිසිම ආකාරයකට එම නඩුව මගහැරීමක් සිදුනොවන බවත් අල්ලස් හෝ දූෂණ විමර්ශන කොමිසමේ ජ්යෙෂ්ඨ නිලධාරියෙක් උපුටා දක්වමින් සන්ඩේ ටයිම්ස් වාර්තා කරයි.
ලැබී ඇති අනුපිළිවෙලට අනුව ගොනුව සැකසීමට පියවර ගනිමින් සිටින බවත් මේ වන විට කොමිසම නීති අංශයට යවා ඇති නඩු 69 ක් අතුරින් කුමාර ජයගොඩිට අදාල නඩුව ඇත්තේ ගොනු අංක 49 ලෙස බවත් එම වාර්තාවේ දැක්වේ.
එම චෝදනාව සම්බන්ධයෙන් නඩු පැවරීමට නියෝග කර ඇතැයි පවසන අල්ලස් හෝ දූෂණ විමර්ශන කොමිසම නඩු 69න් නඩු 25 කට අදාළ අධිචෝදනා දැනටමත් අවසන් කර ඇති බව සඳහන් කර ඇත.
අමාත්යවරයාට එරෙහිව නඩු පැවරීමට ගත් තීරණයෙන් පසු, ගොනුව අල්ලස් හෝ දූෂණ විමර්ශන කොමිසමේ අධ්යක්ෂ ජනරාල් රංග දිසානායක වෙත යවා ඇති බවත්, ඔහු එය අවශ්ය පියවර සඳහා නීති අංශයට යොමු කර ඇති බවත් සන්ඩේ ටයිම්ස් පුවත්පත තවදුරටත් ප්රකාශ කර තිබේ.
රුපියල් මිලියන 8 ක අයථා පරිහරණය කිරීමේ චෝදනා මත අමාත්යවරයාට සහ තවත් දෙදෙනෙකුට එරෙහිව මහාධිකරණයේ නඩු පැවරීමට නියමිතය.
පරීක්ෂාවට ලක් වූ විශේෂිත ටෙන්ඩරයක් ප්රදානය කළ ටෙන්ඩර් මණ්ඩලයේ ප්රධානියා ලෙස කුමාර ජයකොඩි කටයුතු කරද්දී සැක සහිත ගෙවීම් ක්රියා පටිපාටි සහ බැඳුම්කර ස්ථානගත කිරීම පිළිබඳ ගැටලුව මතුවීමෙන් පසුව ටෙන්ඩරය පිළිබඳ පරීක්ෂණ ආරම්භ විය.
සිද්ධිය පිළිබඳව සිදුකළ පෙර විමර්ශන ද සලකා බලමින් අල්ලස් කොමිසම පරීක්ෂණ නැවත ආරම්භ කර තිබුණි.
