විපක්ෂයේ කාර්ය භාර්ය වන්නේ ජනතාවට දුන් පොරොන්දු ඉටුකර ගැනීම සඳහා ආණ්ඩුවට බලපෑම් කිරීම බවත් තමන්ට පෙනෙන්නේ ආණ්ඩුව “තමන්ගේම වල තමා විසින්ම කපාගනිමින් සිටින බවත් යැයි පොදු ජන පෙරමුණේ ජාතික සංවිධායක සහ පාර්ලිමේන්තු මන්ත්රී නාමල් රාජපක්ෂ ප්රකාශ කළේය.
ඊයේ (01) දිනයේ දී සීනිගම පැවති උත්සවයකදී මාධ්ය අමතමින් නාමල් රාජපක්ෂ පැවසුවේ ජාතික ජනබලවේගය පසුගිය වසර පුරා සිදුකළේ විවිධ දේශපාලන ප්රවර්ධන සහ දේශපාලන ක්රියාකාරකම් බවය. එම කාල පරිච්ඡේදය මහජනතාවට විශේෂයෙන් දුෂ්කර වූ බව මන්ත්රීවරයා පැවසුවේය.
ජාතික ජන බලවේගයේ (NPP) රජය බලයට පත්වීමෙන් පසු දරාගත නොහැකි ලෙස ජනතාව මත බදු පැනවීමෙන් මෙන්ම ස්වාභාවික විපත්වලින් පසු නිසි කළමනාකරණයක් නොමැති කම හේතුවෙන් ජනතාව දැඩි ලෙස පීඩාවට පත් වූ බව ඔහු පැවසීය.
ජීවිත බේරා ගත හැකිව තිබූ අවස්ථාවලදී පවා රජය කඩිනම් ක්රියාමාර්ග ගැනීමට අපොහොසත් වී ඇති අතර මහජනතාවට දුන් ප්රධාන පොරොන්දු ඉටු කිරීමටද අපොහොසත් වී ඇති බව නාමල් රාජපක්ෂ වැඩිදුරටත් පෙන්වා දුන්නේය.
බොහෝ දෙනෙකුට අලුත් අවුරුද්දට අඩිය තැබීමට සිදුවූයේ ආරක්ෂිත මධ්යස්ථානවල සහ තාවකාලික කඳවුරුවල රැඳී සිටිමින්, ඔවුන්ගේ ජීවිත සහ ඔවුන්ගේ නිවාස පිළිබඳව අවිනිශ්චිතව සිටිමින් බවත් ඔහු කිවේය.
ආපදාවලින් පීඩාවට පත් වූවන්ට ජනාධිපතිවරයා වන්දි ලබා දෙන බවට පොරොන්දු වූ බවද එම පොරොන්දු තවමත් ඉටුකර නොමැති බවද හෙතෙම කීවේය.
ආණ්ඩුව වන්දි ලබා දීමට ප්රමුඛත්වය දිය යුතු බවත්, අවතැන් වූ පවුල් ඔවුන්ගේ නිවෙස්වල නැවත පදිංචි කිරීමට කඩිනම් පියවර ගත යුතු බවත් නාමල් රාජපක්ෂ අවධාරණය කළේය. “විපක්ෂ පක්ෂ විසින් ගනු ලබන ක්රියාමාර්ග කෙරෙහි රජය අවධානය යොමු නොකළාට ගැටලුවක් නැතියි කී නාමල් රාජපක්ෂ අවධාරණය කළේ ජනතාවට දුන් පොරොන්දු ඉටු කළ යුතු බවය.
“ශ්රී ලංකා පොදුජන පෙරමුණ ලෙස, අපි අපගේ වගකීම් දිගටම ඉටු කරනවා” නාමල් රාජපක්ෂ වැඩිදුරටත් පැවසීය
