ඇමරිකාවේ ප්‍රධානම ලොතරැයියක්වන මෙගා මිලියන් ජැක්පොට් ලොතරැයියේ අද දිනයේ දිනුම් ඇදෙන ත්‍යාග මුදල ඩොලර් බිලියන 1.28ක් වන බව එම ලොතරැයි වෙබ් අඩවිය උපුටා දක්වන සී.එන්.එන් සඳහන් කරයි.
එම ත්‍යාග මුදල මෙගා මිලියන් ජැක්පොට් විසි වසරක ලොතරැයි තරග ඉතිහාසයේ දෙවන විශාලතම ත්‍යාග මුදල වන අතර ඇමරිකානු ලොතරැයි ඉතිහාසයේ තුන්වන විශාලතම ත්‍යාග මුදල වේ.
මෙම මුදල් ප්‍රමාණය ශ්‍රී ලංකාවේ දැනට පවතින ආර්ථික අර්බුදය විසඳීම සඳහා ජාත්‍යාන්තර මූල්‍ය අරමුදලින් ඉල්ලන ණය ප්‍රමාණයෙන් සියයට 25කි. ජාත්‍යාන්තර මූල්‍ය අරමුදලනේ ණය ලැබෙන තෙක් මාස තුනක් සඳහා අත්‍යාවශ්‍ය ආනයන සිදුකිරීමට ප්‍රමාණවත් මුදලකි.
ඇමරිකානු ලොතරැයි ඉතිහාසයේ මෙතෙක් දිනාගත් විශාලතම ත්‍යාග මුදල වන්නේ ඩොලර් බිලියන 1.586කි. එය 2016 වසරේ දී ප්‍රාන්ත තුනක ජයග්‍රායකයින් 3ක් අතර බෙදී ගොස් තිබිණි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
ඇමරිකානු ලොතරැයි ඉතිහාසයේ සහ මෙගා මිලියන් ජැක්පොට් ඉතිහාසයේ තනි පුද්ගලයෙක් විසින් දිනාගන්නා ලද ඉහළම මුදල වන්නේ ඩොලර් බිලියන 1.537කි. එම ත්‍යාගය ඇමරිකාවේ සවුත් කැරොලිනා හි පුද්ගලයෙකුට හිමි වී ඇත.