අනාගත ප්‍රතිපත්ති- 2021 සම්මානය සඳහා ශ්‍රී ලංකාවේ පළිබෝධනාශක පාලන පනත අංක 33 (1980, 1994, 2011, 2020 දී සංශෝධිත) සහ සියදිවි නසාගැනීම් වැළැක්වීමේ ජාතික ප්‍රතිපත්ති හා ක්‍රියාකාරී සැලැස්ම (1997) නම් කර තිබේ.
World Future Council විසින් මෙම සම්මාන ප්‍රදානය සංවිධානය කරනු ලබයි.
එම කවුන්සිලය විසින් එක්සත් ජාතීන්ගේ පරිසර වැඩසටහන (UNEP), ජාත්‍යන්තර රසායනික කළමනාකරණය සඳහා උපායමාර්ගික ප්‍රවේශය (SAICM), ජාත්‍යන්තර කම්කරු සංවිධානය (ILO), ආර්ථික සහයෝගීතාව සහ සංවර්ධනය සඳහා වූ සංවිධානය (OECD) එක්සත් ජාතීන්ගේ පුහුණු හා පර්යේෂණ ආයතනය (UNITAR) සහ එක්සත් ජාතීන්ගේ සංවර්ධන වැඩසටහන (UNDP) සමඟ එක්ව මෙම සම්මාන ප්‍රදානය සංවිධානය කරනු ලැබේ.
2021 -අනාගත ප්‍රතිපත්ති සම්මාන ප්‍රදානයේදී සළකා බැලූ කරුණු ඔස්සේ කළ දළ විශ්ලේෂණ අනුව, ශ්‍රී ලංකාවේ පළිබෝධනාශක රෙගුලාසි මගින් මෙතෙක් සිදු කර ඇති සියදිවි නසාගැනීම් අනුපාතයෙහි විශාලතම අඩුවීමට හේතු වී තිබේ.
විශේෂයෙන් ග්‍රාමීය ගම්මානවල සහ ළමුන් අතර සහ තරුණ ප්‍රජාව අතර සිදුවූ රටේ සියදිවි නසා ගැනීමේ අනුපාතය සියයට 70 කින් අඩු කර ඇති බව ද මෙම විශ්ල‍ේෂණයේ සදහන් ය.
“ශ්‍රී ලංකාව ලෝකයේ ඉහළම සියදිවි නසාගැනීම් වලින් එකක් වන අතර පළිබෝධනාශක විෂ වීම රෝගීන්ගෙන් තුනෙන් දෙකකට වඩා වැඩිය. පළිබෝධනාශක පනත මඟින් අවම වශයෙන් අනතුරුදායක පළිබෝධනාශක පමණක් ඇති බව සහතික කරයි. එය එච්එච්පී 36 ක් තහනම් කිරීමට භාවිතා කර ඇත.”
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
“පලිබෝධ තහනම වසර 20 ක් තුළ ජීවිත 93,000 ක් පමණ බේරාගෙන ඇත. ඒ අතරම ශ්‍රී ලංකාව සිය කෘෂිකාර්මික ඵලදායිතාව පවත්වා ගෙන ගොස් ඇත. අන්තර්ජාතික වශයෙන්, ශ්‍රී ලංකා අත්දැකීම නිර්දේශ කරන්නේ එච්එච්පී තහනම් කිරීම සියදිවි නසාගැනීම් වැළැක්වීම සඳහා වඩාත්ම ලාභදායී ප්‍රවේශයක් ලෙසයි” යනුවෙන් එම කරුණු විශ්ලේෂනය මගින් වැඩිදුරටත් සදහන් කර තිබේ.