ලුණුගම්වෙහෙර සිට කොළඹ දක්වා ධාවනය වූ පුද්ගලික බස් රථයක් පානදුර ගුවන් පාලම ආසන්නයේදී අද (15) අළුයම 4ට පමණ මුනින් අතට පෙරළුනේය.
ඊයේ (14) රාත්රී 11ට පමණ මෙම බස්රථය ලුණුගම්වෙහෙරින් ධාවනය ආරම්භ කර තිබිණි.
අනතුර සිදුවන අවස්ථාවේ දී බස් රථයේ මගීහු 50ක් පමණ ගමන් කරමින් සිටියහ. ඉන් සිව්දෙනෙකු තුවාල ලබා පානදුර මූලික රෝහලට ඇතුළත් කෙරිනි.
පානදුර දකුණ පොලීසිය පවසන්නේ බස් රථයේ රෝදවල සිදුවූ කාර්මික දෝෂයක් හේතුවෙන් මෙම අනතුර සිදුවන්නට ඇති බවය. රියදුරු මේ වනවිට පොලිස් අත් අඩංගුවට ගෙන ඇත.
පානදුර දකුණ පොලීසිය වැඩිදුර විමර්ශන පවත්වයි. ( ඡායාරූප Bus A Part of Journey 🇱🇰 සමූහයෙනි.)
