අග්රාමාත්ය ආචාර්ය හරිනි අමරසූරිය වාර්තාගත මනාප ඡන්ද සංඛ්යාවක් සහිතව කොළඹ දිස්ත්රික්කයෙන් පාර්ලිමේන්තුවට යෑමට සමත් වූවාය. ඇය ලැබූ මනාප ප්රමාණය 655,289 කි. මීට පෙර වැඩිම මනාප ඡන්ද ගණනක් ලබාගෙන තිබූ මන්ත්රි ධුර අපේක්ෂකයා වූයේ හිටපු ජනාධිපතිවරයෙක් වූ මහින්ද රාජපක්ෂ ය. ඔහු 2020 වසරේදී කුරුණෑගල දිස්ත්රික්කයෙන් මහ මැතිවරණයට තරග කරමින් මනාප 527,364ක් ලබාගත්තේය.
ජාතික ජන බලවේගයේ කොළඹ දිස්ත්රික් කණ්ඩායම් නායිකාව වූයේ ආචාර්ය හරිනි අමරසූරිය ය.
විපක්ෂ නායක සජිත් ප්රේමදාස කොළඹින් ඡන්ද 145,611 ලබාගෙන ඇත. කොළඹ දිස්ත්රික්කය නියෝජනය කරමින් තරගවැදුන, මෙවර පාර්ලිමේන්තුවට තේරෙනු ඇතැයි අපේක්ෂා කළ හිරුණිකා ප්රේමචන්ද්ර තේරී පත් වී නැත. ආචාර්ය හර්ෂ ද සිල්වා, මුජිබර් රහුමාන්, එස්.එම් මරික්කාර් සමගි ජන බලවේගයෙන් පාර්ලිමේන්තුවට තේරී සිටී. කොළඹ දිස්ත්රික්කයේ මනාප ඡන්ද ප්රතිඵලය මෙසේය.
ජාතික ජන බලවේගය
- හරිනි අමරසුරිය – 655,289
චතුරංග අබේසිංහ – 127,166
සුනිල් වටගල – 125,700
ලක්ෂ්මන් නිපුන ආරච්චි – 96,273
අරුණ පනාගොඩගේ – 91,081
එරන්ග ගුණසේකර – 85,180
හර්ෂණ නානායක්කාර – 82,275
කෞශල්යා ආරියරත්න -80,814
අසිත නිරෝෂන එගොඩවිතානගේ – 78,990
මොහොමඩ් රිස්වි සාලි – 73,018
සුසන්ත දොඩාවත්ත – 65,391
චන්දන සුරියආරච්චි – 63,387
සමන්මලී ගුණසිංහ – 59,657
දේවානන්ද සුරවීර – 54,680
සමගි ජන බලවේගය
- සජිත් ප්රේමදාස -145,611
හර්ෂ ද සිල්වා – 81,479
මුජිබර් රහුමාන් – 43,737
එස්.එම්. මරික්කාර් – 41,482
