දිනසේන රතුගමගේ –
අයහපත් කාලගුණික තත්ත්වය හේතුවෙන් සිය බෝට්ටුවද සමඟ යාපනයට ආසන්න මුහුදු තීරයට ගසා ගෙන පැමිණි තමිල්නාඩු ධීවරයෙකු, යාපනය ඩෙල්ෆ්ට් ප්රදේශයේ ධීවරයින් පිරිසක් විසින් 23 වැනිදා බේරාගෙන තිබේ.
මෙලෙස බේරාගෙන ඇත්තේ තමිල්නාඩුවේ රාමනාදන්පුරම් ප්රදේශයේ පදිංචි 56 හැවිරිදි කුමාර් නැමැති ධීවරයෙකි. ඔහුව බේරාගැනීමෙන් අනතුරුව කයිට්ස් පොලිසිය වෙත භාර දීමට ඩෙල්ෆ්ට් ධීවරයින් පියවර ගෙන ඇත.
කයිට්ස් පොලිසිය විසින් සිදුකළ මූලික පරීක්ෂණ හා ප්රශ්න කිරීම් වලදී හෙළි වී ඇත්තේ, මෙම ධීවරයා තමිල්නාඩු ධීවර සංගමයේ සහ අනෙකුත් අදාළ රාජ්ය දෙපාර්තමේන්තු වල නිල වශයෙන් ලියාපදිංචි වූ ධීවරයෙකු බවය.
සිද්ධිය සම්බන්ධයෙන් ඉදිරි රාජ්යතාන්ත්රික හා නීතිමය ක්රියාමාර්ග ගැනීම පිණිස පොලිසිය විසින් යාපනයේ පිහිටි නියෝජ්ය ඉන්දීය කොන්සල් ජනරාල් කාර්යාලය වෙත තොරතුරු වාර්තා කර තිබේ. එමෙන්ම අදාළ ධීවරයාව කයිට්ස් අධිකරණය වෙත ඉදිරිපත් කිරීමටද පොලිසිය කටයුතු යොදා ඇත.
