ඉඳුනිල් කහටපිටිය –
ධාරාණිපාත වර්ෂාව තරගය සෝදා දමා ඇත. ජැමෙයිකාවේ සබීනා පාර්ක් ක්රීඩාංගණයේදී පැවැත්වීමට නියමිතව තිබූ ශ්රී ලංකා සහ බටහිර ඉන්දීය කොදෙව් කණ්ඩායම් අතර දෙවන එක්දින ජාත්යන්තර ක්රිකට් තරගය, නොකඩවා ඇද හැළුණු අධික වර්ෂාව හේතුවෙන් එකදු පන්දුවක් හෝ යවන්නේ නැතිව අතහැර දැමීමට විනිසුරුවන්ට සිදුවිය.
මීට පෙර දිනයේදී ඇද හැළුණු වර්ෂාව හේතුවෙන් තරගයේ කාසියේ වාසිය උරගා බැලීම ද විනාඩි 30 කින් ප්රමාද කිරීමට සිදුවූයේය. කාසියේ වාසිය දිනා ගත්තේ බටහිර ඉන්දීය කොදෙව් නායකයා විසිනි. තරගය අතරතුරදී නැවතත් වැසි ඇතිවීමේ හැකියාව සැලකිල්ලට ගනිමින් කොදෙව්වෝ මුලින්ම පන්දු රැකීම තේරූහ.
මෙම තරගය සඳහා කණ්ඩායම් දෙකෙහිම වෙනස්කම් සිදුකර තිබිණි. ආබාධයකට ලක්ව සිටි මැතිව් ෆෝඩ් වෙනුවට අමීර් ජැංගු කොදෙව් කණ්ඩායමට කැඳවා තිබුණි. ශ්රී ලංකා කණ්ඩායම ද අසිත ප්රනාන්දු වෙනුවට එෂාන් මාලිංග කණ්ඩායමට ඇතුළත් කර තිබුණි.
බටහිර ඉන්දීය කොදෙව් කණ්ඩායම වෙනුවෙන් සිය 150 වන එක්දින ජාත්යන්තර තරගයට ක්රීඩා කිරීමට සූදානමින් සිටි ෂේ හෝප් වෙනුවෙන් විශේෂ සමරු ජේර්සි මුද්රිත කමිසයක් ද මෙහිදී පිරිනැමුණු අතර, ඉන් සුළු වේලාවකට පසුව තරගයට දැඩි ලෙස වැසි ඇද හැලෙන්නට විය. කාසියේ වාසිය උරගා බැලීමෙන් පසු තරගයට අදාලව කිසිදු ඉදිරි පියවරක් තබන්නට වර්ෂාව ඉඩ දුන්නේ නැත. .
මෙම තරගය ප්රතිඵලයකින් තොරව අවසන් වීමත් සමඟ, තරග තුනකින් සමන්විත මෙම එක්දින තරගාවලිය ජයග්රහණය කිරීමට බටහිර ඉන්දීය කොදෙව් කණ්ඩායමට තිබූ බලාපොරොත්තු සම්පූර්ණයෙන්ම ගිලිහී ගියේය. කෙසේ වෙතත්, එළඹෙන සඳුදා පැවැත්වීමට නියමිත අවසන් මෙන්ම තෙවන එක්දින තරගයෙන් ජයග්රහණය ලබා ගැනීමට ඔවුන්ට හැකි වුවහොත්, තරගාවලිය 1-1 ක් ලෙස සම තත්ත්වයෙන් අවසන් කරගැනීමේ අවස්ථාව තවමත් බටහිර ඉන්දීය කොදෙව්වන් සතුව පවතී.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ලබන වසරේ පැවැත්වෙන ලෝක කුසලාන ක්රිකට් තරගාවලිය සඳහා සෘජුවම සුදුසුකම් ලැබීමේ අවස්ථාව උදා වන්නේ ලබන වසරේ මාර්තු මාසය වන විට කණ්ඩායම් ලබා ගන්නා අවසන් ශ්රේණිගත කිරීම් ස්ථාන මතය. මේ හේතුවෙන්, සිය ශ්රේණිගත කිරීම් ඉහළ නංවා ගැනීමට නම් සත්කාරක කොදෙව් කණ්ඩායමට එළඹෙන සඳුදා තරගයේ ජයග්රහණය අතිශයින්ම තීරණාත්මක වනු ඇත.
