මීගමුව බන්ධනාගාරය තුළ මෑතකදී ඇති වූ නොසන්සුන්කාරී වාතාවරණය හමුවේ ජීවිතක්ෂයට පත් වූ බන්ධනාගාර නිලධාරීන්ගේ සහ රැඳවියන්ගේ ආරක්ෂාව තහවුරු කිරීමට මෙන්ම, තමන් සතු වගකීම සහ වගවීම පැහැර හැරීමට කටයුතු කිරීම හේතුවෙන් අධිකරණ අමාත්ය හර්ෂණ නානායක්කාරට එරෙහිව විශ්වාසභංග යෝජනාවක් ගෙන ඒමට විපක්ෂය පියවර ගෙන තිබේ.
විපක්ෂ නායක සජිත් ප්රේමදාස ඇතුළු විපක්ෂය නියෝජනය කරන පාර්ලිමේන්තු මන්ත්රීවරුන් පිරිසක් විසින් අද (10) පාර්ලිමේන්තු සංකීර්ණයේදී මෙම විශ්වාසභංග යෝජනාවට නිල වශයෙන් අත්සන් තබා ඇත.
බන්ධනාගාර පද්ධතිය තුළ පවතින අනාරක්ෂිතභාවය සහ අමාත්යවරයාගේ අසාර්ථකභාවය මෙමඟින් දැඩි ලෙස විවේචනයට ලක් කර තිබේ. ව්පක්ෂ මන්ත්රීවරු පසුගිය දින කීපය පුරාම පාර්ලිමේන්තුවේ දී බන්ධනාගාර ඇමතිවරයාගේ ක්රියාකලාපය දැඩිව විවේචනයට ලක් කළ අතර මේ වනවිට ඔහුව ඉලක්ක කරගෙන දැඩි සමාජ මාධ්ය ප්රහාරයක් ද එල්ල වෙමින් ඇත.
ආණ්ඩු පක්ෂය විසින් පෙන්වා දී ඇත්තේ මේ වනවිට දූෂිතයන් සම්බන්ධව, මත්ද්රව්ය ජාලය සහ පාතාල අපරාධ සම්බන්ධව තරාතිරම නොබලා නීතිය ක්රියාත්මක වෙමින් ඇති පසුබිමක මේ ආකාරයෙන් අධිකරණ ඇමතිවරයා ඉලක්ක කරගෙන එල්ල කරන ප්රහාරය රජයක් ලෙස අවබෝධ කරගෙන ඇති බවය.
