-
පොහොට්ටුවෙන් යන අය යන්න… කිසි ප්රශ්නයක් නෑ… පොහොට්ටුවේ ඡන්ද තැනකින් තැනකට ගෙනියන්න පුලුවන් මහින්ද ට විතරයි… ඔය ගිය එක්කෙනෙක් වැඩිම උනොත් ඡන්ද 200ක් අරන් යයි… උපරිමය 1000යි…
ශ්රී ලංකා පොදුජන පෙරමුණේ මන්ත්රීවරු 92 ක් පක්ෂයේ තීරණයට විරුද්ධ වී නොමැති බවත් විරුද්ධ වූ බවට රනිල් වික්රමසිංහ පාර්ශවය ප්රකාශ කරන පුද්ගලයින් වැඩි පිරිසක් ඒ පැත්තත් මේ පැත්තත් බැලන්ස් කරගන්නට උත්සාහ කරමින් තවමත් ද්විත්ව රංගනයක යෙදෙන බවත් හිටපු අමාත්ය ජොන්ස්ටන් ප්රනාන්දු අද (31) පැවසීය.
කොළඹදී ජනමාධ්ය වෙත විශේෂ ප්රකාශයක් කරමින් පාර්ලිමේන්තතු මන්ත්රී ජොන්ස්ටන් ප්රනාන්දු එසේ පැවසීය.
රනිල් වික්රමසිංහ ළඟට ගොස් සිටින අයත් මහින්ද රාජපක්ෂ මැතිතුමාගේ පිංතුරය ගහගෙන පාර්ලිමේන්තුවට ආපු අය බව කී ජොන්ස්ටන් ප්රනාන්දු ඔවුන් ගමට ගොස් මහින්ද අගමැති කරන්නට ඡන්දය දෙන්නැයි ප්රාදේශීය සභා අපේක්ෂකයාට කියපු අය බවත් ඔහු කීවේය.
ශ්රී ලංකා පොදුජන පෙරමුණෙන් කවුරු ගිය ද ඡන්දදායකයන් පක්ෂය හැර නොයන බවත් මහින්ද රාජපක්ෂ හිටපු ජනාධිපතිවරයා හැර කවුරු පක්ෂය හැර ගියත් ඔවුන්ට ඡන්ද රැගෙන යා නොහැකි බවත් කී ජොන්සටන් ප්රනාන්දු පැවසුවේ
ශ්රී ලංකා පොදුජන පෙරමුණේ ඡන්ද පදනම ඇත්තේ මහින්ද රාජපක්ෂ මත බවය.
“ඔය ගිය අය ඡන්ද 200 ක්, 500 ක් උපරිමය 1000 ක් ගෙනියයි… එච්චරයි. කවුරු ගියත් ශ්රී ලංකා පොදුජන පෙරමුණ වැටෙන්නේ නෑ. ”
“පක්ෂය හැරදා ගිය පිරිස යෑමට හේතුව කුමක්ද යන්න ජනවතාව දන්නවා. පක්ෂය රනිල් වික්රමසිංහ මහතාට සහයොගය දෙන්න තීරණය කළේ නම් ඔවුන් සජබෙට යනවා. අපි ගේන්නේ අලුත් ඡන්ද ලක්ෂ 15කට වඩා ගන්න පුලුවන් අපේක්ෂකයෙක්” ජොන්ස්ටන් ප්රනාන්දු කීවේය.
