මනම්පිටිය නිමල් ජයරත්න –
අසාධ්‍ය තත්ත්වයේ පසු වූ ළදරුවකු ත්‍රීරෝද රථයකින් පොලොන්නරුව මහ රෝහලට ගෙන යමින් සිටි මවකගේ කෑගගැසීම් හඬ සහ ත්‍රීරෝද රථ රියදුරුගේ හඬ අසා සංවේදී වූ පොළොන්නරු පොලිසියේ රථවාහන අංශයේ නිලධාරීන් දෙදෙනක් එම දරුම දරුවා ඉතා කෙටි කාලයකින් රෝහල්ගත කිරීමට අවශ්‍ය සහාය ලබා දීමේ සද් කාර්යය අගයා උපහාර පුද කිරීමේ උත්සවයක් අද (07) දහවල් පොලොන්නරුව ජේෂ්ඨ පොලිස් අධිකාරි ඕශාන් හේවාවිතාරණගේ ප්‍රධානත්වයෙන් පොලොන්නරුව නවනගරය පොලිස් අධිකාරී කාර්යාලයේදී පැවැත්විණි.
මෙම සිදුවීම් සිදුව ඇත්තේ ඉකුත් පස් වැනි දා සවස 3 ට පමණය.
මෙම රථ වාහ වාහන පොලිස් නිලධාරීන් දෙදෙනා මින්නේරිය රත්මලේ අංක 55 නිවසේ පදිංචිව සිටින පොලිස් කොස්තාපල් 72027 ඩබ්ලිව්.එච්. සී. එම් විජේකෝන් සහ පොලොන්නරුව බී.ඕ .පී 316 ලංකාපුර පදිංචිව සිටින පොලිස් කොස්තාපල් 86734 ඩබ්ලිව්. ජී .ජේ අතුල කුමාරය.
යාය 5 ජයන්තිපුර 354 /2 ලිපිනයේ පදිංචි ශ්‍රියානි ධම්මිකා ඇගේ අවුරුද්දයි මාස දෙකක් වයසැති ඔමන්දි අරුත්මා දැරියට අපස්මාරය රෝගය හටගැනීම නිසා ත්‍රීරෝද රථයකින් පොලොන්නරුව මහ රෝහල වෙත රැගෙන එන අතරතුර රථවාහන අංශයේ පොලිස් නිලධාරීන් දෙපළට එය ඇස ගැටී ඇත.
එම දැරිය මේ වන විට පොළොන්නරුව මහ රෝහලේ 18 වාට්ටුවේ සුවෙන් පසුවන අතර එම් දැරිය සහ මව විනාඩි හතරක කාලයක් ඇතුළත කිලෝමීටර් 5ක පමණ දුර ආරක්ෂාකාරීව ගෙනැවිත් රෝහල් ගත කරමින් ජීවිතයක් බේරාගැනීමේ වෙනුවෙන් එම් පොලිස් නිලධාරීන් දෙපල අගය කරන ලෙසද පොලිස්පතිවරයා උතුරුමැද පළාත් භාර ජ්‍යෙෂ්ඨ නියෝජ්‍ය පොලිස්පති කිත්සිරි ජයලත් හරහා පොලොන්නරුව පොලිසියට දන්නවා ඇත,
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
ඒ අනුව හත්වැනිදා දහවල් පොලොන්නරුව සහකාර පොලිස් අධිකාරී කාර්යාලයේදී පොලොන්නරුව ජේෂ්ඨ පොලිස් අධිකාරි ඕ ශාන් හේවාවිතාරණ ගේ ප්‍රධානත්වයෙන් එම රථ වාහන අංශයේ පොලිස් නිලධාරීන් දෙදෙනා ඇගයීමට ලක් කළේය.