ව්යවස්ථාදායක සභාවේ සිදුවුණ ක්රියාදාමය කතානායවරයා විසින් විකෘති කර ජනාධිපතිවරයා වෙත ලිපියක් යොමු කිරීමෙන් පත් කරගත් පොලිස්පති දේශබන්දු තෙන්නකෝන්ගේ පත්වීම මේ වනවිට ශ්රේෂ්ඨාධිකරණ නියෝගයක් හරහා ප්රශ්න කර ඇති ආකාරය පෙන්වා දෙමින් එම අනීතික පත්වීමේ ක්රියාවලිය සිදුවුයේ කෙසේද යන්න විපක්ෂ නායක සජිත් ප්රේමදාස අද (24) පාර්ලිමේන්තුවේ දී කීවේය.
කථානායකවරයාගේ ව්යවස්ථා විරෝධී ලියුම ආණ්ඩුක්රම ව්යවස්ථාව උල්ලංඝනය කර තිබෙන බවත් මෙම වංචා සහගත ලියුම පදනම් කරගෙන පත් කිරීම් සිදුකිරීම් ව්යවස්ථා විරෝධි බවත් සජිත් ප්රේමදාස මහතා කීය.
ඡන්දය ලබාදීම වැළකි සිටිම විපක්ෂ වීමක් ලෙස සලකුණු ලබන්නේ නම් ඡන්දය ලැබුණා සේ සැලකීම සභාපතිවරයා වශයෙන් මාගේ තිරක ඡන්දය පක්ෂව ලබාදෙන බව කාරුණිකව දන්වමි යනුවෙන් කතානායකවරයා ජනාධිපතිවරයාට යොමු කළ ලිපියේ සඳහන් වන බවත් මෙය සම්පුර්ණයෙන් වැරදි ක්රියාවක් බවත් කතානායකවරයා ආණ්ඩුක්රම ව්යවස්ථා අමු අමුවේ උල්ලංඝනය කර ඇති බවත් ඒ පිළිබඳව ආණ්ඩුව වහාම පියවරක් ගත යුතු බවත් විපක්ෂ නායක වැඩිදුරටත් සඳහන් කළේය.
ව්යවස්ථාදායක සභාවේ රැස්වීම පවත්වා අවසන් වූ පසු එහි තීන්දුව පාර්ලිමේන්තුවට දැනුම් දීමක් සිදුනොකර ජනාධිපතිවරයාට ලිපියක් යොමු කර ඇති බවත් කතානායකවරයාගේ ලිපිය පදනම් කරගෙන ජනාධිපතිවරයා මෙවැනි පත් කිරීම් සිදුකිරීම සම්බන්ධයෙන් ආණ්ඩුව පිළිතුරක් ලබාදිය යුතු බවත් සජිත් ප්රේමදාස මහතා කීය.
