දූෂණ චෝදනාවක් සම්බන්ධයෙන් හිටපු අමාත්ය ලක්ෂ්මන් යාපා අබේවර්ධන සහ ශ්රි ලංකා ආයෝජන මණ්ඩලයේ හිටපු අධ්යක්ෂ ජනරාල් ජයන්ත එදිරිසිංහ යන අයට විරුද්ධව අල්ලස් කොමිසම විසින් ගොනු කරන ලද නඩුව පවත්වාගෙන යෑමට නොහැකි බවට කරුණු දක්වමින් විත්තිකරුවන් විසින් ඉදිරිපත් කළ මූලික විරෝධතාවයක් කොළඹ මහාධිකරණය අද (10) ප්රතික්ෂේප කළේය.
කොළඹ මහාධිකරණ විනිසුරු මොහොමඩ් නිහාල් විසින් මෙම තීන්දුව ලබා දුන්නේය. අනතුරුව නඩුවේ පූර්ව නඩු විභාග සම්මන්ත්රණය සඳහා දෙසැම්බර් මස 16 වැනිදා කැඳවීමට විනිසුරුවරයා දින නියම කළේය.
මහින්ද රාජපක්ෂගේ දෙවැනි පදවි ප්රාප්තිය වෙනුවෙන් 2014 වර්ෂයේ නොවැම්බර් මස 19 වැනිදා පුවත්පත් 11ක ශ්රී ලංකා ආයෝජන මණ්ඩලයේ අරමුදල්වලින් පුවත් අතිරේක පල කිරීමෙන් රජයට රුපියල් ලක්ෂ 17කට අධික මුදලක් පාඩු කිරීම තුළින් දූෂණ විරෝධී පනත යටතේ වරදක් සිදුකර ඇතැයි අල්ලස් කොමිසම විසින් මෙම නඩුව ගොනු කර තිබිණි.
මෙම නඩුවේ සාක්ෂිකරුවන් ලෙස පුද්ගලයින් 15 දෙනෙකුගෙන් සාක්ෂි ලේඛන 21 ඉදිරිපත් කිරීමට නියමිතය.
